اربعین
.
✍️ #زبدةالاشعار ✍️
.
🆔: @nohe_torki
.
#سبک_شبانگاهان
.
مرحوم شهاب تبریزی و مرحوم #ذهنی_تبریزی
.
دوشوب باشون آردیجا حسین باش آچوخ گیدوب شامه گلمیشم
بو گون سنه دوتماقا عزا من گیوب قرا جامه گلمیشم
حسین دیوب چوخ دولانمشام
حسین فراقوندا یانمشام
زینبون گلدی …
.
.
اگرچه هر ماجرا سنه بیر به بیر عیاندور دَگُل نهان
ولیک بو رسمدی ایدر هر مسافر اوز حالینی بیان
گوزوم یاشی روی زردیمه سرگذشتیمی ثبت ایدوب عیان
صحیفۀ غم تک الده وار حالینه بیان نامه گلمیشم
.
.
باجون فدا نور پاکوه کربلا چولین روشن ایتمیسن
بو موسی عشقه پر خطر دشتی وادی ایمن ایتمیسن
دیمم اوزون ویر منه نشان چون ازل جواب لن ایتمیسن
بو قبره گوز یاشلو یوز قویوب نایل اولماقا کامه گلمیشم
.
.
بو شوقیله اربعینوه گلمیشم بو گون قبرون اوسته من
شمیم جان پرورین آلام تا بو تربت مشک خیزدن
دور ای من بخت قاره نی درد فرقتی مو سفید ایدن
دیوم نجه دوندروب غمون روزگاریمی شامه گلمشیم
.
.
بو گون که من دام ظلمدن فارغ اولماقین شکرین ایلرم
نه ظلملر یوز ویروب منه بیر به بیر سنه ذکرین ایلرم
بو روضۀ پاکدن ولی آیری دوشماقین فکرین ایلرم
سنیله همدفن اولماق کاش اجل سالا دامه گلمیشم
.
.
گیدنده من شامه نعشوی فرصت اولمادی دفن ایدوب گیدم
قصوریمون اعتذارینه قبریوه گرک جان فدا ایدم
نولور یتم بوسعادته روحیم آیریلا جان ویرم بودم
تأسفیم وار که عمر گون یتمیوب سرانجامه گلمشیم
.
.
ویرنده جان سن که ممکنیم اولمیوبدی بیر جرعه سو ویرم
ولی ایدم قبر پاکیوه ایمدی مختصر خدمت ایسترم
سپم سو مژگانیله سیلم قبریون توزون ای شه حرم
اودور جگر قانینی سوتک دولدروب ایکی جامه گلمیشم
.
.
«شهاب» شه بیتی ایتدی بیر ایله وقتده مَطلَع کلام
مصمّم شهر طوسیدی فرصت اولمادی ایتسون اختتام
رجا اولوب «ذهنی» ایلدی اوز دلینجه بونوحه نی تمام
معاینه نوحه ده دییَر من او دلده الساعه گلمیشم
.
.
#اربعین_شهاب_تبریزی
#دوشوب_باشون_آردیجا_حسین_باش_آچوخ_گیدوب_شامه_گلمیشم
#ترکی
.
✍️ #زبدةالاشعار ✍️
.
🆔: @nohe_torki
نظر دهید