مناجات
..
..
..
..
..
مرحوم کریمی مراغه ای
..
..
..
..
..
ای خدا بنده لرون عرض مناجاته گلوب
لطف ائله آچ قاپونی سنله ملاقاته گلوب
..
..
..
..
..
آند وئروخ سنی پیغمبر آخر زمنه
هم نماینده سی دامادی علی بوالحسنه
قیزی ریحانه سی زهرا گل باغ عدنه
گلمیشوخ در گهووه عفو الله تقصیر یمیزی
جان زهرا شرر دوزخه یاندیرما بیزی
..
..
..
..
..
دوغرانان زهر جفادن جگری یعنی حسن
سو کنارینده وئرن جان شه بی غسل و کفن
باجیسی زینب مظلومه او زهرای زمن
بیزی محروم ائلمه فیض عطادن بو گئجه
عفو ائله بیزده اولان جرم و خطادن بو گئجه
..
..
..
..
..
یار و غمخوار و امید اسرا زین العباد
کربلاده أو سنق قافلیه پیر مراد
بالاسی باقره خاطر بیزه وئر فیض رشاد
صادق آل محمد وئرن اسلامه رواج
بولارا خاطر اوزون دردیمیزه ایله علاج
..
..
..
..
..
حضرت موسی کاظم غم زندانه اسیر
اون بیر ایل گوشه ی محبسده اولوب جانینه سیر
ثامن آل رضا ملک خراسانه امیر
خوان احسان و کرمدن بیزی محروم ائلمه
کسمه توفیقوی بیزدن بیزی مغموم ائلمه
..
..
..
..
..
نهمین کعبه ی آمال تقی یعنی جواد
هم على النقى محبوب خدا شاه معاد
حسن عسکری غرق ستم اهل عناد
بولاری واسطه سالدوخ سنه ای رب جلیل
ایکی دنیاده بیزی ائتمیه سن خوار و ذلیل
..
..
..
..
..
روز و شب کلمه ی عَجِّلدی بیزه ورد زبان
اوخوروخ ندبه دعاسین ائده روخ شور و فغان
ای خدا بوندان اضافه بیزی قویما نگران
گوزومیز یولدادی بیر ماجد و امجد گله جاق
مهدی قائم و همنام محمّد گله جاق
..
..
..
..
..
دوتما نادیده خدا عرض مناجاتیمیزی
ائت برآورده الهی هامی حاجاتیمیزی
ایله مقبول اطاعات و عباداتیمیزی
جام سرشار خُم مغفرته تشنه لبم
من حسین عاشقیم گر چه کریمی لقبم
..
..
..
..
..
#مناجات #کریمی_مراغه_ای #ترکی #زبدةالاشعار
ای خدا بنده لرون عرض مناجاته گلوب #مناجات_کریمی_مراغه_ای
نظر دهید