زبانحال علیامکرمه حضرت زینب (س) در کوچ از کربلا
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
مرحوم تائب تبریزی
.
یتنده قتلگهه اهلبیت شاه عرب
باخوب حسینینه عرض ایلدی خانم زینب
.
.
شاه بیت:
.
ای خدا بو قانینه غلطان حسینیمدور منیم
گون قباقینده قالان عریان حسینیمدور منیم
.
.
باش وئروب گل پیکرینده گل یارالار گل کیمی
باش باشا چاتموش جفا پیکانلاری سنبل کیمی
هر گل اوسته اوخشارام شوریده سر بلبل کیمی
قتلگاهی گلشن رضوان حسینیمدور منیم
.
.
بو یارالی کیم یاراسی چشمه چشمه قان وئرور
سینه سینده اوخلارا چرن فوج مژگان سان ویرور
قالب بی روحی مین بی روح جسمه جان ویرور
قانه باتمیش عیسی دوران حسینیمدور منیم
.
.
.
بو بدندور پاره پاره یا بهاری گلستان
باش ویروب بوندا گل نسرین و سرخ و ارغوان
مصرعیندن نهر تک جاری اولور صحرایه قان
بو سر اوسته جان ویرن عطشان حسینیمدور منیم
.
.
.
بو بدن که نقش بند اولموش بونا آت دیرناقی
ایلیوبدور قانی چون یاقوت احمر توپراقی
نه باشی وار پیکرینده نه الی نه بارماقی
جسم پاکی زینت میدان حسینیمدور منیم
.
.
ای خدا مدنظرده بیر علامت گورسنور
جسمدور باشدان باشا اما جراحت گورسنور
قالمیوب آثاری بیر شکل و شباحت گورسنور
بو یارالی قانینه غلطان حسینیمدور منیم
.
.
هیچ تانینمور چوخ دگوب یاره بو صدپاره تنه
چون گل خندان داغیلمیش پیکری پیراهنه
باجی قارداشدا اولان ایستک تانتدیردی منه
یوخسا بیلمزدیم که بو عریان حسینیمدور منیم
.
.
جسمینه باخدیم گوگل مین جام غم نوش ایلدی
عطرینی آلدیم منی بالمره مدهوش ایلدی
دلده کی مهر و محبت مطلقا جوش ایلدی
آخر ایتدی ایستگیم اعلان حسینیمدور منیم
.
.
گر سلیمان سریر جاندی بو باشیز بدن
یوخ بونون انگشتیله انگشتری بیلمم ندن
یوخسا انگشتین كسوب انگشتر اوسته اهرمن
بو جلال و حشتمی تالان حسینیمدور منیم
.
.
عطر یوسفدور بو گر دولموش بو دشتین دامنی
پاره پاره ایلیوب گرگان اعراب دنی
بس هانی صد چاک اولان قانه باتان پیراهنی
پیرهنسیز یوسف کنعان حسینیمدور منیم
.
.
بو یارالار یورقونی کیم قان ایچینده دینجلور
باغریمی احوالینه باخدیقجا تیر غم دلور
زخمینه باد صبا دگجاق بهشت عطری گلور
خوش شمیمی روح بخش جان حسینیمدور منیم
.
.
بو بدن که دوشدوقی یر بیله قانیله دولوب
گلشنه بنزر بهاریله خزانی بیر اولوب
پیکرینده گل یارالار هم آچوبدور هم سولوب
پیکری بیر گلشن ویران حسینیمدور منیم
.
.
بیر نفر آفاقده بیله گلستان گورمیوب
گل لرین گلچین الینده بیله خندان گورمیوب
گل لری اوسته اولا شبنم قزلقان گورمیوب
گل یاراسی اوسته شبنم قان حسینیمدور منیم
.
.
نه اولارعالمده یارب کربلا تک گلستان
نه گلر دنیایه من تک بلبل اولسون باغریقان
خوش ترانم دلده آختارام گلیمدن بیر نشان
دلده ازبر گل آدی هر آن حسینیمدور منیم
.
.
بو یارالی کیم اولوب زخم جفانین خسته سی
گوئیا یرده دوشرب خندان اولان گل دسته سی
عطری خوشدور من کیمی وار بلبل دلبسته سی
ایلین اوز بلبلین خوشخوان حسینیمدور منیم
.
.
بلبلم گلدیم برگلشنده اولام گل همدمی
ایلیم گوزیاشی زخم خار ظلمین مرهمی
حیف اولا گورّم گلوم اوستون دوتوب قان شبنمی
گل وجودی قانیله الوان حسینیمدور منیم
.
.
بلبلم بوگلشنه گل تاپماقا یول سالمیشام
گیتمیشم چوخ صاق صولا سرگشته حیران قالمیشام
اوز گلیم عطرین خدا آخر بو یردن آلمیشام
گل کیمی گل پیکری خندان حسینیمدور منیم
.
.
بو یارالی جسم کیم باشدان باشا مجروحدور
بو لب دریاده یارب تشنه لب مذبوحدور
ناخدای کشتی دین رهنمای نوحدور
قان یَمینده غرقۀ طوفان حسینیمدور منیم
.
.
بوشهنشه دور بولورسن ای خداوند قدیر
سینه سی اوسته آچوب طاق ظفر دلدوز تیر
بو سنق اوخ نیزه لر اوستی بونا اولموش سریر
ظلمیله مظلوم اولان سلطان حسینیمدور منیم
.
.
هانسی بیر شاهی رعیت قانینه غلطان ایدوب
شه لباسین هانسی بیر ملت سویوب تالان ایدوب
گون قباقینده یارالی پیكرین عریان ایدوب
عور جسمین قان ایدن پنهان حسینیمدور منیم
.
.
هانسی شه بو شه کیمی عالمده خون دل ییوب
شه باجیسی هاردا من تک قارداشیم ایوای دیوب
هانسی شاهنشه بیله منسوجۀ پیکان گیوب
جسمده منسوجۀ پیکان حسینیمدور منیم
.
.
بوشهنشه که الهی قانینه غلطان اولوب
ملت اسلامه بوردا یدّی گون مهمان اولوب
اهل قرآنین الینده کشتۀ قرآن اولوب
بو داغیلمیش جلد سیز قرآن حسینیمدور منیم
.
.
گتدی شوره مجلس ماتمده جمعی سینه زن
چکدی تائب رشتۀ نظمه بیله شیرین سخن
قسمت ایت قبرین دوتاخ بو نوحه نی یا ذوالمنن
ای خدا بوقانینه غلطان حسینیمدور منیم
.
.
.
#کوچ_کربلا #تائب_تبریزی
#یتنده_قتلگهه_اهلبیت_شاه_عرب
#ای_خدا_بو_قانینه_غلطان_حسینیمدور_منیم
#ترکی
.
✍️ #زبدةالاشعار ✍️
.
🆔: @nohe_torki
نظر دهید