عطشلر سسین آخر آلوب خیمده عباس #عباسیه_ثابت_اردبیلی

رجز حضرت ابوالفضل (ع)
.
✍️ #زبدةالاشعار ✍️
.
🆔: @nohe_torki
.
#سبک_علی_جان_بالا_لبیک
.
مرحوم ثابت اردبیلی
.
عطشلر سسین آخر آلوب خیمده عباس
بلورسن که نه حاله قالوب خیمده عباس
.
.
سکینه دیله گلدی الیم اسدی ایاقیم
هامی خیمه نی گزدیم کسلدی سو سراقیم
سو یوخ خیمه سراده دلیم یاندی دوداقیم
ئولوب قارداشیم اکبر گیوب قاره تفاقیم
دوروب چگننه مشگین سالوب خیمده عباس
.
.
گلوب محضره شاهه حضورینده دایاندی
او سقای هنرور اورکدن یارالاندی
سو مشگین یره قویدی سر شاهه دولاندی
دیدی ای شه ابرار سوسوزلار دلی یاندی
اورک باشنه آتش سالوب خیمده عباس
.
.
اگر اذن اولا سندن آچام پرچم جنگی
آلام لشگر الندن حسین تیرو خدنگی
دوتام صفلر ایچینده گریبان نهنگی
قاچا سیل تک اعدا کچه روم و فرنگی
ولی یوخدور اجازه اولوب خیمده عباس
.
.
بو میدان بلایه سالوم آتش سوزان
یانا کرب و بلاده حسین لشگر عدوان
فرات اوسته شهنشاه اولوم اکبره قربان
اوزون قولاریم اوستن دگه خنجر بران
نجه اولمادی سالم قالوب خیمده عباس
.
.
اگر ورسون اجازه سالوم لشگری دلدن
چخاردوم شه ابرار عمر سعدی بو چولدن
آلوم جنگ لباسین حسین صفلر الندن
مگر باک ایدور عباس بو گون راه اجلدن
فغانه شه اسلام گلوب خیمده عباس
.
.
علمداره دخیلم قلم الده الهی
چخوب عرش خدایه بو گون «ثابتون» آهی
حسین قتلنه اعدا دوتوب دشت سیاهی
وزیری شه دینون چکر تیغه سپاهی
اجازه اونا یوخدور بلوب خیمده عباس
.
.
#عباسیه_ثابت_اردبیلی
#عباسیه_شهادت
#عطشلر_سسین_آخر_آلوب_خیمده_عباس
#ترکی
.
✍️ #زبدةالاشعار ✍️
.
🆔: @nohe_torki