غارت خیام
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
مهدی رستم زاده خسروشاهی
.
زینبون ئولسون حسین سس ویر سسون قربانیم
داده گل یاندی خیم تیز گلماقون خواهانیم
.
.
تاپمیوب غارت حسین جان خیمه لرده خاتمه
حرمت ایتموبله بولار آل رسول خاتمه
بیر گله جنّاتیدن کرب و بلایه فاطمه
تا گوره بو اهل بیتون من سر و سامانیم
.
.
شورش لشکر زبس مخیمده قارداش چوخلاشور
اهل بیتون سویماقا بیربیرلریله باغلاشور
یوخدی امداده گلن عورت اوشاقدور آغلاشور
منده بو ظلمون برادر متّصل گریانیم
.
.
کوفیان دار و ندارون اود ووروب یاندیردیلار
آتش غمده حیالی قیزلارون اودلاندیلار
قرخا دین عورت اوشاقدور گور نجه نالاندیلار
بو پوزولموش گلستانون سرو سروستانیم
.
.
سن شهید اولدون گروه کین ایدولّه هلهله
خیمه لر اولدی هدف قارداش بو قوم باطله
خیمه لردن اهل بیتون چخدی یوز قویدی چوله
داده گل قارداش حسین من گوزلرون قربانیم
.
.
اهل بیت مصطفی اولدی برادر در به در
قیز گلین عورت اوشاق اولدی هامی خونین جگر
بعضی صیّادین الینده مرغ بسمل تک اسر
سسلنور شاه شهیدین بلبل خوش خوانیم
.
.
بیربیرین قیزلار قوجاقلاردی دیردی نیلیاخ
گل گیداخ نهر علقمه عبّاس عمومه بیر دیاخ
سسلیاخ سس ویرمسه دشمن دوینده دینمیاخ
دینمین قیزلاریوین تک تک بلا گردانیم
.
.
بیر طرفدن نوعروسون گل عمو گل سسلنور
زینبون حاشا بو غملردن برادر دینجلور
بعضی سسلور عمّه قویما رحمسیز دشمن گلور
کوفیانون ظلمینون قارداش حسین حیرانیم
.
.
دخت زهرایم حسین دنیانی گوزدن آتموشام
قلبیمون قانین اخا گوزیاشیمیله قاتموشام
سن گیدندن خیمه دن گرد ملاله باتموشام
بو بلایاده دوزوم اللهیدن خواهانیم
.
.
هر بلا یوز ویرسه قارداش بیز گرک صبر ایلیاخ
ایلیاخ صبر و تحمّل چاره یوخدور نیلیاخ
ناقه ی صبری نه اینکه ناله ایله پیلیاخ
منده سن تک کردگارین تابع فرمانیم
.
.
بو شهادت ارثدور آبا و جدّیمدن سنه
خیمه لر یانماق اسیر اولماق وراثتدور سنه
اگمرم باش سن کیمی منده جفاجو دشمنه
کربلا دشتینده قارداش من بتول ثانیم
.
.
سن بیر آز ساعت قاباق قویدون الون بو سینمه
ایلدون قارداش دعا پروردگار ذوالمنه
تازه بیر روحیّه خالق ایلدی اعطا منه
بو مقدّس نعمتین من ربّیمه شکرانیم
.
.
بیر گونی بیر نوحه خوان ویردی بو شعره تای منه
من دیدیم سالدیم نظر دوز بیتینی سن سای منه
سویلدی بیر شخص بو شعری ویروبدور پای منه
یا بونون تصحیحینی یا مثلینون خواهانیم
.
.
بیربیرین قیزلار قوجاقلاردی اونی یازدیم بونا
سویلدیم هر کیم یازوب ایتسون خدا رحمت اونا
بانی اولدی «مهدی» بو شعری یازوب ایتدی دعا
یاده دوشدوقجا اونون بو بیتینون گویانیم
.
.
.
#غارت_خیام #مهدی_رستم_زاده
#زینبون_ئولسون_حسین_سس_ویر_سسون_قربانیم
#ترکی
.
✍️ #زبدةالاشعار ✍️
.
🆔: @nohe_torki
نظر دهید