ای خدا رحم ائله بو دیدۀ گریانیمیزه #مناجات_دلریش

مناجات
.
.
.
مرحوم دلریش
.
ای خدا رحم ائله بو دیدۀ گریانیمیزه
دل سوزانیمیزه چاک گریبانیمیزه
.
.
ہیز گنه کاروخ اگر راحم رحمان سن سن
حكم حكموندی سنون صاحب دیوان سن سن
درد سنون بنده سنون دردلره درمان سن سن
بیز عاصیلری سن عفو ائله سلطانیمیزه
.
.
نه امیدیله دوتاخ یوز قاپووا یوخدور عمل
الیمیز بوش یوزیمیز قاره اگر یتسه اجل
یوخدی بیر کیمسه بشرده ائده بو مشکلی حل
بیر امید ایمدی قالوب شاه شهیدانیمیزه
.
.
سن اگر قهر ائده سن یوخدی بیزیم طاقتیمیز
حکمیوه لا دئمگه ذره جه یوخ قدرتیمیز
یوخ سنون خدمتیوه غیر خطا خدمتیمیز
بیز مقرّ اولمیشوخ ایندی هامی عصیانیمیزه
.
.
واردی بیر کیمسنه آیا بو بلاده چکه دم
عدلیله ایلمه دیوان بیزه قیل لطف و کرم
سن دیین راهدن هئچ گئتمه میشوق بیرجه قدم
اوز بلامیزدی نقدری گله بو جانیمیزه
.
.
ایلیوب کثرت تقصیر سرافکنده بیزی
نفس هر باره ده ائتمیش نئجه شرمنده بیزی
امتحان عالمینه چکسن اگر سنده بیزی
هر بلا یتسه سزاواریدی ابدانیمیزه
.
.
هر بلا گونده روسن نوشدی جان و سریلن
گلمیشوق درگھیوه لیک بو چشم تریلن
خوار و زار ائتمه خدایا بیزی بو غملریلن
بخشش ایله بیزی یارب شه مردانیمیزه
.
.
ای خدا تشنه لب کرب وبلا حرمتینه
رحم ائله بیزلره شاه شهدا حرمتینه
باغلانان ناقیه اول زین العبا حرمتینه
نظر لطفیله باخ حال پریشانیمیزه
.
.
بیز عاصیلری عفو ایله حسین اصغرینه
دوغرانان قاسم و عباس و علی اکبرینه
کسیلن شام غریبان گئجه سی اللرینه
حشره دین باعث اولان ناله و افغانیمیزه
.
.
بیزی اول وقته باغیشلا که شه تشنه لبان
یارالی ایستی قوم اوستونده وئروب شوقیله جان
کسدی لب تشنه باشین شمر ستمگر دالیدان
آغلاروخ بیزده ئولونجه شه عطشانیمیزه
.
.
ایلیوب عالمی پژمرده پریشان بو بلا
نئجه هر محنته بس دوزدی شه کربوبلا
چاپدی آت سینه سی اوستونده اونون اهل جفا
ووردی اود حشره کیمی بو دل سوزانیمیزه
.
.
چون اولوب دار الأمان روز ازلدن بو کمند
سنده بو سلسلیه «دلریش» ائله دستیوی بند
غم یمه روز جزاده بو شه رتبه بلند
وورار آزاده لوقون مهرینی فرمانیمیزه
.
.
#پندیات_پندیات_دلریش
#ای_خدا_رحم_ائله_بو_دیدۀ_گریانیمیزه
#ترکی
.
.