اربعین
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
حافظی تبریزی
.
وار صفا قبرونده قارداش جنت اعلا کیمی
دالدالاندیم سایه سینده شاخۀ طوبا کیمی
.
.
قرح گجه گوندوزدی حسرت چکمیشم بو مدفنه
بیر زیارت وقفه سینده تااولا قسمت منه
عرش تک ششگوشه دور قبرون باجون قربان سنه
نور عشق ایلور تجلا وادی سینا کیمی
.
.
ئولمیدیم گلدیم دوباره دوشدی سایه ن باشیمه
سایه نه سایه اولوب عمدہ سبب گوزیاشیمه
مدفنین ترجیح ویردیم سایه سین قارداشیمه
گوندوزوم اولدی گوزیمده لیلۀ یلدا کیمی
.
.
قبره دقّتله باخاندا گورسنور آثارسوز
سرّ مبهم دور شهادت سرّیوی ایلور بروز
ایلوری اعلان ئولن ساعتده جان ویردون سوسوز
قطره قطره اشک چشم ایستور جوشان دریاکیمی
.
.
اولماسین نسگل گلیبدور آغلیانلارحالیوه
مژده ویر شاد اول گوزون آیدین خوشااحوالیوه
صاحب اولدون بار دیگر دربدر اطفالیوه
حیف اولا آشفته زلف زینب کبرا کیمی
.
.
بیر گلستان گل گلوب اما خزان گورموش تمام
سبز سوسن زنبقی نیلوفریدور زردفام
ایتمدی سازش حسین آب و هوای شهر شام
سولدولا چوللرده سولموش لالۀ حمرا کیمی
.
.
گل گتیرماق رسم اولوب اهل جهانون قبرینه
یا دوشنماق شال تک پیر و جوانین قبرینه
من سولان گل غنچه گتدیم باغبانین قبرینه
ایتمشم آغاز نغمه بلبل شیدا کیمی
.
.
اذن ویر رخصت ویروم اهل حرم آچسون باشین
کثرت شرم و حیا مانعدی توکسون گوز یاشین
اوخشاسین اوغلى ئولن اوغلون باجی اوز قارداشین
هم صدا اولسونلا بیرده شام عاشورا کیمی
.
.
اکبرین قبرین تاپوپ لیلا دیسون درد دلین
ایتسین ابراز محبت قاسمه تازه گلین
مادر اصغر سس آلسون سینه دن چکسون الین
آزقالور مجنون اولامجنون صفت لیلاکیمی
.
.
فکریمزوار قبر عباسه گیداخ بیر اشگریز
چونکه لازمدورگرامی خاطرین دوتماق عزیز
یوخ آناسی بوردا گورسون واردی یوزدن آزکنیز
باش آچوب هر تک تکی اشگین توکه ثکلا کیمی
.
.
نسگل اولدی اولمادی بوردا آنام ام البنین
قبرده قارداشیم عباس اولمییدی دل غمین
بیرایله غیرتلی قارداش عالمه گلسون چتین
کیم مواسات ایتدی سندن اول سوسوز سقا کیمی
.
.
بوینوموزدا حقی چوخدور اولسون اوندان حق رضا
قوی دیوم حقی ادا اولسون سوزه اولماز قضا
جعفر طیاره قارداش اوغلی عین مرتضا
زینبه حرمت قویاردی حضرت زهرا کیمی
.
.
شامدن بیرده رقیه گوندیربدور بیر پیام
سویلیوب گیتسن یتور مندن عمومه بیر سلام
دی عمو نه ایستورم سو نه الیمده واردی جام
گل منه ویرانه ده باش چک شه بطهاکیمی
.
.
سوز سوزی گتدی دوشوب قارداش رقیه یادیمه
اوت او شیرین دل قیزون سالدی منیم اکبادیمه
چوخ یتوب غم ئولماقندان خاطر ناشادیمه
چکدی اکبرحسرتین چوخ بینوا صغرا کیمی
.
.
حل ایدم مشگل بونسگل عقده سین قلبمده من
دار غربتده گوزیمده جلوه گر اولدی وطن
روحمون جان عزیزین قبره قویدوم بی کفن
چخمادی پیراهنندن غنچۀ زیبا کیمی
.
.
حافظی سوزچوخدی وقت آز بسدی قورتار بو سوزی
آغلا بیر آز دا خانم زینب سُوَر آغلار گوزی
نیّتون خدمتدی آل اللهه عالمدور اوزی
درج دیدندن توک اشگون لولوء لالاکیمی
.
.
#اربعین_حافظی_تبریزی
#وار_صفا_قبرونده_قارداش_جنت_اعلا_کیمی
#ترکی
.
✍️ #زبدةالاشعار ✍️
.
🆔: @nohe_torki
نظر دهید