در مدح و توسل به حضرت امام رضا علیه السلام
.
✍️ زبدة الاشعار ✍️
?: @nohe_torki
.
مصیبی تبریزی
.
ای تاجدار مُلک خراسان رضارضا
ای شاهکار ِ عالم امکان رضارضا
.
ای نور چشم فاطمه وی ثامِنُ الحُجَج
عشقین سالوبدی دللره طوفان رضارضا
.
سن سن حریم طوسه شهنشاه بی بدیل
سن سن دیار عزّته سلطان رضارضا
.
باب الحوائج اوغلوسان ای شاه ذوالکرم
کویونده حاتم اولدی ثناخوان رضارضا
.
ای غربت ئولکه سینده جلوس ایلین نگار
وی گوهر خزانۀ ایمان رضارضا
.
طوبادی قامتین یوزین آیینۀ سجود
یوسف قالوب جمالیوه حیران رضارضا
.
سن خسرو ِ کوی ولاسن ابالحسن
وجهین ضیاءِ بزم محبّان رضارضا
.
جانلار فدا اولا سنه ای شاه مشرقین
شاهانه مُلکیوه هامی قربان رضارضا
.
اذعان ائدوبدی شوکتیوه قبریوی گورن
مبهوت اولوب بوجاهه سلیمان رضارضا
.
ناز ایلیر جنانه سنون جنتین آقا
انهار رحمت اوردا خروشان رضارضا
.
دائم مُطاف اولاّلا ملائک مزاریوه
سن دن آلاّلا فیض فراوان رضارضا
.
تابان اولوبدی نّیر عزّت او سمتیدن
جوشقوندی اوردا رحمت یزدان رضارضا
.
یاده سالارمدینۀ طاهانی شهر طوس
پیغمبرین جلالینه برهان رضارضا
.
پرواز ائده لّه بام ِ حرمدن کبوتران
مرغان رحمت اوج آلار اوردان رضارضا
.
قربان اولوم حرم ده کی شور وحلاوته
ایله بو روسیاهه ده احسان رضارضا
.
من وئرمرم بهشته سنون بارگاهیوی
جان اوسته کاش اولام سنه مهمان رضارضا
.
کیم گلدی بارگاهیوه عزّت تاپوب گئدوب
درده دوشنلر آلدیلا درمان رضا رضا
.
زوّّاریون عزّت و جاه و جلالی وار
کیم گلدی تاپدی شوکت شایان رضارضا
.
مخمورعشقین اولموشام ای کوکب ازل
منْ دردمندی قووما قاپوندان رضارضا
.
آهویه ضامن اولدون آقا ضامن اول منه
محشر گونی قوتار منی اوتدان رضارضا
.
هر جمعه شب قوناقدیلا مشهدده اهل بیت
سن میزبان ، اولار سنه مهمان رضارضا
.
اونلار سلام ائدلّه کنار مزاریدن
چاتمور الیم سنه شه خوبان رضارضا
.
منده سنه سلام ائدورم ای نگار حق
آل بو ارادتْ عرضین اوزاقدان رضارضا
.
اولسون سلامیمیز سنه ای تاجدار دین
ای شهریار مُلک خراسان رضارضا
.
اولسون سلامیمیز گُل ِ خوشبوی جنته
ایرانی ایلیوبدی گلستان رضارضا
.
#گریز #رضویه_شهادت
.
اولسون سلامیمیز جگری دوغرانان شهه
باغری اولوبدی زهریله القان رضارضا
.
یردن حصیری چکدی کناره،یوزون قویوب
توپراقلاراوسته سسلدی نالان رضارضا
.
دوغراندی لبلریم آنا زهرا هایانداسان
خاموش اولور شراره تابان رضارضا
.
جدّیم حسین تک وئرورم توپراق اوسته جان
مندن اولیدی خالق سبحان،رضارضا( 1 )
.
اوغلوم جوادی ایستوری گویلوم خدا یتور
آلسون دیزاوسته باشیمی بیرآن رضارضا
.
کیم درک ائدنموری بوسوزی غافل اولماسین
ناقص دی مطمئنّاً او ایمان رضارضا
.
بیت عزایه وارد اولوبدور جواد آقا
سسلندی سوز ِ آهیله گریان رضارضا
.
قویدی دیزاوسته باشینی سلطان مشرقین
راه ولاده گئچدی جانیندان رضارضا
.
کربوبلاده لیک عوض اولموشدی ماجرا
اکبراو چولده تا دوشوب آتدان رضارضا
.
آلدی دیزاوسته باشینی سلطان تشنه کام
قویدی دوداقلارین او دوداقدان رضارضا
.
سس دوشدی خیمه لرده وُرون باشه،اکبرین
اولدی یارالی پیکری شان شان رضارضا
.
تعبیر ایله دون یوخومی شاه عاشقان
سندن،«مصیّب»اولدی غزلخوان رضارضا
ــــ
( 1 ) رضا : راضی وخشنود
.
#رضویه_مدح
#ای_تاجدار_ملک_خراسان_رضا_رضا
#مصیبی_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید