زبدةالاشعار

ای دفتر جاودان عشقه دیباچۀ جاودانه زینب #زینبیه_انور_اردبیلی

الدّخیل یا زینب (سلام الله علیها)

✍️زبدة الاشعار✍️

🆔: @nohe_torki

مرحوم انور اردبیلی

ای دفتر جاودان عشقه
دیباچۀ جاودانه زینب
وی مقدمنون غباری زینت
پیشانی کهشکانه زینب

تاریخ بشرده یوخدی سن تک
خاتون کبیر انقلابی
علامۀ روزگار ایدنمز
اوصافیوی کامل ارزیابی
آهوندی شرار اشقیا سوز
قلبوندی حقیقتین کتابی
محکم سوزون هر زماندا اولموش
فریادگر زمانه زینب

دوران اسارتونده اولدون
خلاقیوه عشقیله ثنا خوان
چوللر سنه قبلۀ عبادت
هر نوحه سنه سرود ایمان
هر بیر قدمون سبیل حقده
هر بیر نفسون رضای جانان
هر یرده توکولدی لبلروندن
گل واژۀ عارفانه زینب

اولمیدی اگر سنون وجودون
مقصودینه اشقیا چاتاردی
قارداشون آچان لوای نهضت
بخت اسرا کیمین یاتاردی
یتمیش ایکی جان گیدردی الدن
یتمیش ایکی پاک قان باتاردی
خون شهدایه اولدی نطقون
هر دورده ده پشتوانه زینب

متن پیشنهادی:  گوروب مشکلده زهرانی شه مشکل گشا گَلدی #فاطمیه_قمری

بش سنّده بیر سفینه مثلی
موج محنین دچاری اولدون
مولا ایوینون پوزولدی رُکنی
سن غصّه ‌لی خانه داری اولدون
زهرای عفیفه نون قراسین
سالدون باشا سوگواری اولدون
زیر لحده شهیده گئتّدی
مظلومه آنون جوانه زینب

غملر اورگونده عقده ‌لندی
جان رشتون آچلمادی دوگوندن
ذرّات وجودوین شراری
هر لحظه ‌ده جان آلوردی گوندن
جسمونده کی سو مذابه دوندی
رخساریوه آخدی کیپریگوندن
مشعل کیمی شعله لندی چکدی
قلبونده کی اود زبانه زینب

قالدون آناسیز اوشاقلقوندا
یاندون آنا تک حسن حسینه
شوقیله شریک محنت اولدون
سودای بلاده سن حسینه
ال دوتدون ئولونجه هر نفسده
اللرده سوسوز ئولن حسینه
هر لحظۀ زندگیده ایتدون
رفتاریوی عاشقانه زینب

اولموشدی شیوخ پست کوفه
قارداشون امام عصره یاغی
بیر نطق شرر فشانلن سن
موم ایلدون آهنین داغی
محملده اگر دانشماسیدون
سونموشدی آتون علی چراغی
رسوا ایلدون دنی شریحی
گلدون ایله که بیانه زینب

متن پیشنهادی:  زهرانین اولوب گلشنی ویرانه بو آیدا #ورود_محرم_علومی_تبریزی

هر اهل ولایه خوشدی سوز یوخ
دائم اوزینی بلاده گورسه
درد اهلی گزر همیشه دردی
رغبت ایلمز دواده گورسه
عاشقده ولیک تاب قالماز
معشوق باشین جداده گورسه
سنده نه دوزوم واریدی باخدون
نی ‌ده سرِ خون فشانه زینب

گوردون که ایشقلی آی بوغولموش
گوی لکّه ‌لری سالوبدی هاله
باریکدی نکته ماه بدری
تشبیه ایلدون او گون هلاله
تشبیهیوه هر اشاره اهلی
نی مثلی ایدر همیشه ناله
همتا سنه نکته سنج بانو
هیهات گله جهانه زینب

خولینون ایوی یانِیدی ای کاش
خاکستر اولیدی خانمانی
یا زیر و زبر اولیدی کوفه
چاتمیدی مرامه تا او جانی
یر وئردی قزل گُله کول اوسته
ارزان نیه ساتدی کیمیانی
ایوای نه روا همای عشقه
مطبخ اولا آشیانه زینب

متن پیشنهادی:  یولیوی گؤزلورم ای صاحب دوران هله ده #مهدیه_حضرتی_ناعمی

مهمانلارا تیر طعنه ورسون
معبرلره میزبان توکولدی
نامردلرین سسی اوجالدی
سر کوچه ‌لره زنان توکولدی
بیر باش که کول اوسته یاتمیشدی
داش دگدی او باشه قان توکلدی
تنگ اولدی سنه زمانه زینب

یاندی اورگون شرار عشقه
پروانه مثالی جان قزشدی
عودی اودا چکدیلر کانّه
درک ایملدی هاچان قزشدی
خون علوی دامارلاروندا
ای نادره قهرمان قزشدی
یاردون باشوی کجاوه اوسته
عشق عالمی یانه یانه زینب

زهرا داریان ساچون پریشان
قلبون دولی غم باشون یارالی
قان جاری ایدوبدی کیریگوندن
گوردی سنی یولداشون یارالی
یاخشی بَزه‌دوز مسیر عشقی
سن یاره‌لی قارداشون یارالی
مرجان یاغشی یاغوردی گویا
گویدن یره دانه دانه زینب

#زینبیه_مدح
#زینبیه_شهادت
#ای_دفتر_جاودان_عشقه
#انور_اردبیلی
#آخرین_یادگار_انور
#ترکی

✍️ #زبدةالاشعار ✍️

🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی