ای دل دوز اولسا طینت انسان یالان دئمز

پندیات
.
✍️ زبدة الاشعار ✍️
.
🆔: @nohe_torki
.
مژدۀ اردبیلی
.
ای دل دوز اولسا طینت انسان یالان دئمز
دوز سوز دییر جهاندا مسلمان یالان دئمز
.
دانشگه مودت و ایمان و عشقیده
عبد ذلیل خالق منّان یالان دئمز
.
جاندان گئچر طریق مودّتده روز و شب
دار فناده صاحب وجدان یالان دئمز
.
مین لر بلاده باشینه گلسه بحکم حق
باغلار جناب عشقیله پیمان یالان دئمز
.
حقّ و حقیقت آختاران اولسا مرید حق
قرآن دیور که تابع قرآن یالان دئمز
.
داره چکیلسه دهریده انسان حق طلب
منظور اولار جهاندا کماکان یالان دئمز
.
دوز تربیت وئریلسه بش اون گون زمانه ده
واردیر یقین که طفل دبستان یالان دئمز
.
دوز یول گئدر دوز عاشق اولار یول نشان وئرر
اولسا یقین کی حاکم دوران یالان دئمز
.
محبوب اولار چاتار کی حریم ولایته
خدمتگذار دولت ایمان یالان دئمز
.
نفرت تاپار پدیدۀ منفور کفریدن
بی شک رهین رحمت رحمان یالان دئمز
.
محبوب ذوالجلال اولار انسان حق مرام
جانان یولوندا جان ائدر احسان یالان دئمز
.
گرچه بیرعده مصلحت اوسته یالان دیور
اما مرید حضرت سبحان یالان دئمز
.
شاعرده اولسا شاعر شهر شعور اولار
تدوین ائدنده دفتر و دیوان یالان دئمز
.
شاهد که روح شعره اولار روح «منزوی» (1)
«مژده» یازار بو عرصه ده انسان یالام دئمز
.
(1) استقبال از شعر مرحوم منزوی (یابن الحسن ندن دی چوخ انسان یالان دیور)
.
.
#پندیات
#ای_دل_دوز_اولسا_طینت_انسان_یالان_دئمز
#مژده_اردبیلی
#ترکی
.
✍️ #زبدةالاشعار ✍️
.
🆔: @nohe_torki