سیری در مصائب ائمه (ع)
.
.
.
دکتر محمد حسین کتابچی (علومی تبریزی)
.
ای دل نظام خلقتی بیر سیرایله دورانه باخ
خلقتده یوخ چون و چرا بیر عالم امکانه باخ
.
.
بیر بیر پیمبرلر گلوب غم خوار اولا انسانلارا
تاقویمیا انسانلاری مغلوب اولا شیطانلارا
بلکه حیاتین زورقی غرق اولمیا طوفانلارا
محض جهالتدن ائشیت انساندا بیر طغیانه باخ
.
.
یوز یرمی دورت مین انبیا گوندردی خلاق رحیم
ال تاپمیا تا اشرف مخلوقه شیطان رجیم
ویردی علاوه بو گوزل انسانه بیر عقل سلیم
منظور حقّی درک ایله بیر مقصد یزدانه باخ
.
.
اما بو انسان اولمادی دنیاده رسمه آشنا
قان توکدی هرگز ائتمدی قانون حقّه اعتنا
گتدی جهالت جاده سین اوز رتبه سین ایتدی فنا
ظلم و جنایت باشلادی کج یول گیدن انسانه باخ
.
.
هابیلی قابل ئولدوروب باشلاندی دنیاده ستم
نوح و خلیله یوز ویروب عالمده بی حد رنج و غم
فرعونیانی گورگله بیر موسی عمرانه باخ
.
.
پیغمبر آخر زمان اول رحمةً للعالمین
گلدی گتوردی مژدۀ رحمت الینده حکم دین
خلقی جهالتدن رها ایتسون او مولای امین
اولدی بلایه متبلا پیغمبر رحمانه باخ
.
.
آتمش اوچ ایل عمر ایلدی ایذائیله آزاریله
تبلیغ ایدوب تشریح ایدوب گفتاریله کرداریله
بیر عمر اولدی روبرو اشراریله کفاریله
خلقه سر و سامان ویرن بیر صاحب احسانه باخ
.
.
ظالملر اما ظلمیله اسلامی مظلوم ایتدیلر
بیحد عناد و کینیله طاهانی مصدوم ایتدیلر
حق گوندرن پیغمبری آخرده مسموم ایتدیلر
کفران نعمت ایتدیلر اسلامیده بحرانه باخ
.
.
ایلردی امّت فكرینی جان اوسته ختم الانبیا
آلدی شفاعت منصبین اولدی داخی غمدن رها
ایتدى علینی جانشین اولسون عمومه رهنما
امّت خیانت ایلدی بیر فرقۀ نادانه باخ
.
.
مومن لره تاریک اولوب دنیا پیمبردن صورا
اولدی بلایه مبتلا مولا پیمبردن صورا
بیت الحزنده آغلادی زهرا پیمبردن صورا
فرصت یتوب غاصب لره محبوبۀ رحمانه باخ
.
.
قالمشدی زهرا یادگار اول احمد مختاریدن
اود ویردیلا درگاهنه یاندی شرار ناریدن
مظلومه گتدی فاطمه گوردی ستم اشراریدن
سوز فراقنده اونون بیر ناله و افغانه باخ
.
.
گئتدی شهیده فاطمه قالدی امیرالمومنین
اطفالین آلدى دورینه خلوتده مانند نگین
گوردی نفاق امّتی جبراً اولوب خلوت نشین
باغلاندی دربار علی مولای انس و جانه باخ
.
.
ایلردی خلوتدن نظر خلقین هامو اعمالنه
دشمن گورردی نیلری اسلامین استقلالینه
پیغمبری یاده سالوب آغلاردی دینون حالنه
شاه ولایتدن دانش بیر بوذر و سلمانه باخ
.
.
یاده سالاندا حالنی افلاکه فریادیم چخار
غم منجنیقی قلبمی بو فانی دنیاده سخار
سیل محن باشدان آشوب معمورۀ صبری یخار
بلمم نه حکمتدور بولار بیر سینۀ سوزانه باخ
.
.
صبر ایتدی یرمی بش ایلی غصب خلافت ایتدیلر
حقین الیندن آلدیلار بی حد جسارت ایتدیلر
اموال بیت المالی چوخ ظلمیله غارت ایتدیلر
گور ماجرای تهمتی دشمن دیَن بهتانه باخ
.
.
وقت اولدی اشقل الاشقیا ویرسین دل خلقه شرر
منشق اولوب مولا باشی محرابده القانه باخ
.
.
سسلندی گویده جبرئیل قتل الامیرالمومنین
والهی بو بیر ظلمیله ویران اولوب ارکان دین
دوشدی هراسه شیعه لر ذرّیۀ حبل المتین
گلزار دین مصطفی اولدی خزان عنوانه باخ
.
.
یتدی بو اعلان خطر هر عاشق شیداسینه
رضوانیده پیغمبره فردوسیده زهراسینه
ناگه یتشدی بو صدا اول زینب کبراسینه
ای وای دیوب باشه ویروب اول غمکش دورانه باخ
.
.
هر سمتدن یوز قویدولار اولاد مولا مسجده
اصحاب شاه لافتی سالمشدی غوغا مسجده
سرعتله آل مصطفى قویدی قدم تا مسجده
باشی یارالی تاپدولار مولانی بیر طغیانه باخ
.
.
مولا علی المرتضی جام شهادت نوش ایدوب
دشمن چراغ مکتب پیغمبری خاموش ایدوب
قالدی امام مجتبا قلبنده محنت جوش ایدوب
مظلوم امامین حالتین بیر سیر ایله جولانه باخ
.
.
اولده بیعت ایتدیلر اول وارث پیغمبره
دوردی ویره نظم و نسق آئین پاک حیدره
تک قویدولار تولاندولار انصاری قوم کافره
باخ بی وفا اصحابنه اصحاب بی ایمانه باخ
.
.
بیلدی صلاح و مصلحت صلح ایلدی اول مقتدا
نادان جماعت بیلمدی اولدی صحابه بی وفا
گه خیمه سین غارت ایدوب گه جسمنه ویردی یارا
دنیاده بیر غوغانی گور آل الهه دورانه باخ
.
.
کج یول گیدنلر هر زمان دنیاده کامه یتدیلر
شیطانه مغلوب اولدولار باطل طریقین گتدیلر
بیر نچه دفعه حجت یکتانی مسموم ایتدیلر
صبر ایلدی مظلوم امام اول حجّت سبحانه باخ
.
.
آخر بهار عمرینی زهر جفا ایتدی خزان
مسموم ایدوب اؤز همسری قلب شریفی اولدى قان
بیدار ایدوبدی زینبی بیر نصف شبده ناگهان
اولدی خبر گلدی هامو بزمنده بیر افغانه باخ
.
.
گورجک امامین حالنی باش آچدولار ساچ یولدولار
گوزلر سرشگیله دولوب یوزلر خزان تک سولدولار
ناگه ایکی قارداش گلوب بیردن هم آغوش اولدولار
بیر غمزدہ کلثومی گور بیر زینب نالانه باخ
.
.
جان ویردی جانانه حسن دشمن جفادن دویمادی
طاها یانندا دفن ایده اعدا حسینی قویمادی
خاک بقیع ده دفن ایدوب احراره فرصت اولمادی
ملک مدینه آغلادی سن درد بی پایانه باخ
.
.
ای بارش چشمی گچن ابری سلام اولسون سنه
دریای خلقتده اولان سندن صورا طوفانه باخ
.
.
سن ای امام مجتبی قبرونده راحت سن هله
جسمین حسین تک یخمادی دشمن یارالی مقتله
گل کربلاده گور نجه طوفان سالوبدی حرمله
عطشان ویرور جان قارداشین موجه گلن طوفانه باخ
.
.
دین زورقین سالدى عدو طوفانه عاشورا گونی
سفیانیان توهین ایدوب قرآنه عاشورا گونی
اولاد پیغمبر باتوب القانه عاشورا گونی
غوغای عاشورانی گور غارتده بیر تالانه باخ
.
.
میراث اولوب درد و بلا سجاده یوز ویردی جفا
هم باقر و هم جعفره هم کاظمی گور هم رضا
مظلوم اولوبدی هم تقی هم هادی اول شاه ولا
هم عسکری مظلوم اولوب بو عالم امکانه باخ
.
.
بیر حجت ابن عسکری وار ابر غیبتده چو ماه
حسرتله حال امت پیغمبره ایلور نگاه
بیر گون ظهور ایلر اولار اسلام و قرانه پناه
دنیانی نور عدلیله روشن ایدن سلطانه باخ
.
.
ای حجت روی زمین ای ذات یکتادن سفیر
گل امته امداد ایله گوزلور سنی برنا و پیر
احکام و قرآن خوار اولوب آئین پیغمبر حقیر
قلب علومینی دوتان درد و غم پنهانه باخ
.
.
#14معصوم #علومی_تبریزی
#ای_دل_نظام_خلقتی_بیر_سیر_ایله_دورانه_باخ
#ترکی
.
.
نظر دهید