ای ذکر خواب ائدن، منِ نالانه جبرئیل #حسینیه_شیخ_عبداله_طارمی

خطاب به جبرئیل از زبان امام حسین علیه السلام در قتلگاه
.
#زبدةالاشعار
.
: @nohe_torki
.
مرحوم شیخ عبداله طارمی
.
ای ذکر خواب ائدن، منِ نالانه جبرئیل
باخ گور نجه باتوب بدنیم قانه جبرئیل
.
سن بسلدون بو گل بدنی مهد نازیده
ایندی نشان اولوب دم پیکانه جبرئیل
.
من عاشقم بلایه ره عشق حقّده
چوخ شایقم یارا دگه بوجانه جبرئیل
.
نهر فرات آخور جگریم اود دوتوب یانور
یوخ کیمسه سو سپه دل سوزانه جبرئیل
.
تل اوسته زینبیم دایانوب وا حسین دیور
یوخ رحم ائدن او خواهر نالانه جبرئیل
.
چک شهپرون کناره دگه گون بو پیکره
قوی من یانوم بو چولده غریبانه جبرئیل
.
گیت سویانیندا پیکر عباسه سایه بان
قولسوز دوشوبدی جسمی بیابانه جبرئیل
.
ایستی قوم اوسته اکبریمون قالدی پیکری
گئت سایه سال سن اول تن عریانه جبرئیل
.
ای جبرئیل کرب وبلادن اماندی گئت
پرواز ائله روضۀ رضوانه جبرئیل
.
جدیم پیمبره خبر ایله بو حالیمی
باخسون جفای فرقۀ دونانه جبرئیل
.
بیرده، دی یا علی یولووی کربلایه سال
اوغلون حسینی گور باتوب القانه جبرئیل
.
جان اوسته یم غریب ئولورم گلمدی آنام
من حسرتم اوقلبی پریشانه جبرئیل
.
هرجان وئرن آتا آناسین ایلر آرزو
زهرا آنامه دی گله افغانه جبرئیل
.
اولمادی او غریبه عزا دوتان « شیخ » یا
سالدی تزلزل عالم امکانه جبرئیل
.
#حسینیه_شیخ_عبداله_طارمی
#حسینیه_شهادت #جبرائیل_در_قتلگاه
#قتلگاه
#ترکی
.
#زبدةالاشعار
.
: @nohe_torki