بو گجه گلدی رضا اولسون جهانه شهریار #رضویه_عدلی_تبریزی

مدح و میلاد حضرت امام رضا علیه السلام
.
.
.
حاج اصغر فرشچی ( عدلی تبریزی)
.
بو گجه گلدی رضا اولسون جهانه شهریار
شمس رودی گوردی مه چیخماز ایدوبدی استتار
.
بو گجه خیل ملک امر خدائیلن گلوب
حضرت کاظم ایوین ایتسون طواف بیشمار
.
بو تولده هر ایل شیعه دوتار جشن و سرور
خاک دربارین اوپر ویرسون مدال افتخار
.
روحی قدسی دور رضانون قدسیانه پیشوا
روح بغیشلر جان تاپا تا خادمین جان نثار
.
منبع جود و کرمدی وار فیوضی عالمه
شمع دور پروانه لر دور و برینده بی قرار
.
کعبه گر مین لر حاجی بیر گونده آلسا دورینه
خالی اولماز مرقدی وار زائری لیل و نهار
.
وار حریمینده قزل ایوان ملک لر پاسبان
آستانیندن اوپر شاهان عالم آشکار
.
هم گدا ، شاه زمان دردین بو شهدن ایسته سه
دیز چوکر اول درگه ایلر اوزون چون خاکسار
.
مسلمینه پایگاه دین دور چون شهر طوس
قبلۀ هفتم یاتوب موسی الرّضا والا تبار
.
کشور ایران زمین لطفیله تاپموش چون بقا
راضیدی حق چون رضادن دین حق دوراستوار
.
ملت ایران اولوب بو آستاندان بهره مند
بو رضا احسانیدی امنیّت اولموش پایدار
.
بو شهنشاه خراسان بس کرم دریاسیدور
حاتم طائی چخوب یادّان ویروب الدن وقار
.
«عدلی» سن بحر سخادن قطره ای ایتدون رقم
جود و احسان رضائیلن دولوبدی روزگار
.
نطقوی گویا اولا شیرین دهان ایتدون بیزی
هم رضا راضی اولا بیرده رضای کردگار
.
.
#رضویه_میلادیه
#بو_گجه_گلدی_رضا_اولسون_جهانه_شهریار
#عدلی_تبریزی
#ترکی
#زبدةالاشعار