استمداد حضرت ابوالفضل علیه السلام
.
✍️ #زبدةالاشعار ✍️
.
🆔: @nohe_torki
.
#سبک_ای_باد_صبا … 7 سبک
.
مختار وطن پرست (نگین تبریزی)
.
ای راز اخوتده اولان سرّ محبت
گل سیر ایلییم معنی و اسرار مودّت
.
.
هرگز دیمورم عشقوه من لایقم ای شاه
یا اوج محبتده سنه لاحقم ای شاه
معشوقه قسم عشقوه من شایقم ای شاه
عشقوندی ویرن پیکریمه روح فضیلت
.
.
هر چند که تشریفوه لایق دگی بو باش
حمد ایلرم اللهه که ایتدیم سنه شاباش
هجرونده ولی یاره لریم آغلوری قانیاش
بیر چشمه دی هر یاره که آغلور سنه حسرت
.
.
بو دشتیده طوفان بلایا اَسن اولدی
امّیدیمی بیر تیر جفا جو کسن اولدی
سیر ایلدی میدانی سو مشکین دلن اولدی
سانمادی گوزتلور سو یولون خیهمه ده عترت
.
.
ایستوردی عدو فاصله سالسین آرامیزدا
محروم ایده گوندن آینی ایلیه تنها
بولموردی که سیر ایتدوقیجا ماه دل آرا
گوندن آلوری فیض تجلّا و جلالت
.
.
گر یتمه سه معشوقنه عاشق، اولی خفّت
بیر عمر سنه عاشقم ای معنیّ عزّت
گل عاشقوی درک ایله ای چهرۀ وحدت
تا بیرده گوروم جلوۀ بی پردۀ رحمت
.
.
سن جلوۀ بی مِثلِ خداوند علاسن
سن چهرۀ مجسوم حکیم الحکماسن
سن معنی آیات وصالیله لقاسن
جلونده سنون جلولنوب معنی صورت
.
.
رویونده سنون رؤیت اولور نور تجلّا
رخساریوه ترسیم اولونوب صورت یکتا
مبهوتیدی رخساریوه مین موسیِ سینا
مدهوشیدی اول جلویه مین طور حقیقت
.
.
اول جلویه تاپمیش اورگیم علقۀ دیرین
بیر جلوه که سیرین ایلیوب حضرت یاسین
گر قارداش اولا جلوه ایدن چوخ اولی شیرین
ای جلوه لی قارداش گل ایدوم جلوه وی رویت
.
.
بیر جلوه وه دنیانی ویرم عار اولا شاها
بیگانه بلنمز بو ایشین سرّینی، حاشا
بیر جلوه وه قربان اولا دنیائیله عقبا
منظور همان جلوه دی خلق اولدی بو خلقت
.
.
عبّاسیوی سن اوج تمنّایه یتوردین
مرهون ایلیوب همّت اعلایه یتوردون
لطفونله منی وادی سینایه یتوردون
ربی ارنی گلسن اولار قارداش اجابت
.
.
بیر جلوه ن ایدر ذرّه لری چشمۀ نایاب
نوروندی ویرن ذرّلره جلوۀ مهتاب
من ذرّۀ ناچیزوم ای شمس جهانتاب
گلسن اولار عبّاس علی ماه وجاهت
.
.
قارداش بولورم سنده ده وار منده کی حسرت
صبر ایلدون امّا که ویره فاطمه رخصت
الطاف بتولیله میّسردی بو فرصت
قارداشلقمیز مُهر اولونوب ایمدی بو ساعت
.
.
گل ماهوی بیر جلوایله ماه تمام ایت
فرمایش زهرایه گوره نیل مرام ایت
بیر دفعه زیارت ایلیوم عزم خیام ایت
یوخسا قالاجاق حشره کیمین دلده بو حسرت
.
.
زهرا آنامیز گرچه ایدوب لطف فراوان
عبّاسینه اعطا ایلیوب تحفۀ شایان
امّا ادب حکم ایلوری ای شاه جهانبان
نوکر بوله عبّاس اوزون تا به قیامت
.
.
قارداشلقمیز عالمی گلمز دله قارداش
ممکن دگی بو عالمی بیر کس بوله قارداش
مین دفعه بو عالمده ابوالفضل اُله قارداش
عزّتدی جلالتدی سعادتدی بو دولت
.
.
من سالک سودائیم ای شاه شریعت
عشقونله سنون ایلمیشم طی طریقت
گلسن منه قسمت اولاجاق جانِ حقیقت
گل سیر حقیقت ایلیوم کسب ایدوم عزّت
.
.
ای واسطۀ فیض ولایت به رعیّت
ای فیضوه محتاج هامی اهل حقیقت
بذل ایله #نگینه ادب و علمیله حکمت
عشقیله خلوصیله صفائیله فصاحت
.
.
#عباسیه_شهادت
#ای_راز_اخوتده_اولان_سر_محبت
#ترکی
.
✍️ #زبدةالاشعار ✍️
.
🆔: @nohe_torki
نظر دهید