ای رفعتی گویلردن اوجا حضرت صادق #صادقیه_بیدقداری

در مدح و شهادت حضرت امام صادق (ع) ، #گریز به مصائب اهل بیت (ع) در راه کوفه و شام
.
زبدة الاشعار

?: @nohe_torki
.
حاج داود بیدق داری
.
ای رفعتی گویلردن اوجا حضرت صادق
ای خالقه بنده ئوزی محبوب خلایق
دین رهبری ،علمی سبب کشف حقایق
داغلار سیاقیندا هدف اوسته دایانانسان
دریای حوادثده کی کشتیّ امانسان

.
ای شیخ الائمه آدی برهان براهین
ای خاک بقیعی بیزه ریحان ریاحین
عشقوندی تواریخده سرفصل عناوین
هر کیمسیه تعلیم ائله دون خطّ مبانی
جابر کیمی درس آلدی اولوب پیر معانی

.
شیمی که بو گون عالمی تسخیر ائلیوبدی
صنعتده اوجا سطحیده تاثیر ائلیوبدی
شاگردون اونی عالمه تفسیر ائلیوبدی
سن نخل صداقتسن عنایت ثمروندی
تفسیر و فقاهتله دیانت اثروندی

.
اغراق دگل عرض ائدم ای عالمه رهبر
مدیوندی سنون مذهبووه مسجد ومنبر
بالیده لَنور علموویلن مکتب حیدر
حمران و مُفضّلدی ،اَبان، حاصل علمون (1)
خوشدور گله لقماندا اولا سائل علمون

.
سن باعث اولوبسان یارانوب فقهیده بیر شور
هم شیخ آدی طوسی اولا تاریخده مشهور
هم دین ایوینی شیخ کلینی ائده معمور
یوخ شبهه که سن موری سلیمان ائلیرسن
علّامه که آسانیدی سلمان ائلیرسن

.
ای مدحی اولان عالم معناده حکایت
تاریخه سالان گون سیاقی نورهدایت
سنسیز نه عبادت نه اطاعت نه ولایت
گر حور و ملک طاعتینه اولسا برابر
بی نور ولا آلمیاجاق حضرت داور

.
ای لم یزلی دانش و ای حیّ مُصوَّر
هم راهبر امّت و هم علمه پیمبر
عشق عالمی ای طلعتی خورشیده برابر
سنکه بیلوسن درگهووین چاکری ام من
خوشدور هامی عالمده بیله جعفری ام من

.
ای عزّتینه ضامن اولان تک اولان الله
اینجیتدی سنی دهریده بیر عدّۀ گمراه
سن کرب وبلا شاهینه چوخ آغلادون ای شاه
ئوز منزلووی کرب و بلا ایلدی دشمن
قورخوشدی عیالون اوجالوب گویلره شیون

.
گر چه ورولوب منزلیوه ظلمیله آذر
باغلانمادی اما قولون ای داوره مظهر
یولّاردا اسیر اولمامیسان یاره لی پیکر
گوسترمه دی دشمن سنه نی اوسته هلالی
عریان دوه یه مینمه میسن بوینی یارالی
.
.
#گریز #کوفه_راه_شام
.
.
دوردومجی امامین قولونی باغلادی دشمن
یولّاردا اسیر اولماق اولوب حضرته روشن
مقصد اولونوب قافله یه کوفه مُعیَّن
باغلاندی هامی قول قولا اطفال پریشان
شمر اولدی علی قیزلارینا یولدا نگهبان

.
سیزده منیلن ناله ائدون یا اُولُوالاَبصار
بیرعدّه یارالی هاموسی یوخدی پرستار
بی آب وعلف خشک بیابان یولی دشوار
شاهددی بو اوضاعه ئوزی ساجد بیمار
قمچیله پذیرائی اولور خیرداجا قیزلار

.
اوضاعی گوروب زینب اولوب حالی دگرگون
یوز دوتدی یارالی باشا دلخسته و محزون
عرض ایلدی قارداش ایوون آباد اولا ممنون
عشقون بیزی آواره ائدوب چوللره سالدی
زهرایه مثل زینب عجب گونلره قالدی

.
امّا نگران اولما سن ای قافله سالار
یاری ائلیر زینبووی خالق دادار
من سالک راهم نه قدر اولماسا هموار
سجّادیله شاماتیده بیر ولوله ساللام
جانیمده اگر چیخسا سنون قانووی آللام
.
(1) ازشاگردان امام صادق (ع) هستند
.
#صادقیه_مدح
#ای_رفعتی_گویلردن_اوجا_حضرت_صادق
#بیدقداری
#ترکی
.
#زبدةالاشعار

?: @nohe_torki