زبدةالاشعار

ای زلف پریش سخنه شانه کریمی #علی_شهودی

در عزای کوچ عارفانه شاعر بلند آوازه اهل بیت عصمت و طهارت علیهم السلام روانشاد استاد کریمی مراغه ای
.
.
علی شهودی
.
.
ای زلف پریش سخنه شانه کریمی
وور شانه بو گیسوی پریشانه کریمی
.
دردین ائلیمین نظمه چکن شاعری سن سن
اولما بو تانیش ائللره بیگانه کریمی
.
بو سلسله عشقی یتیم ائتمه آماندی
دوندرمه آخان یاشلارینی قانه کریمی
.
هر درده دوا اولسادا هر مشکله چاره
یوخ چاره غم و محنت هجرانه کریمی
.
انگار یوخیمیش بوتون انگار یوخیمیش
خوش گونلریمیز اولدولار افسانه کریمی
.
ساخلار آدووی حشره کیمی زنده بو اشعار
ای زینت اولان دفتر و دیوانه کریمی
.
شه نوکرینی بوش یولا سالماز قاپیسیندان
شه دن آلاجاق هدیه شاهانه کریمی
.
آتشکده سی الده بو گون باغلاییب احرام
مهمان اولاجاق شاه شهیدانه کریمی
.
تنها نه مراغه ایلییر فخر اونا بلکه
عزت یارادیب کشور ایرانه کریمی
.
بیر گنج کیمی گئتدی دریغا الیمیزدن
بیرده گله هیهات بو دورانه کریمی
.
اود ووردی شهودی سنه آخر گوروشونده
سوندی سنی ترک ائتدی یانا یانه کریمی
.
.
.
#علی_شهودی #کریمی_مراغه_ای #ترکی #شعر #شاعر #پندیات #زبدةالاشعار

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...