ای زمین کربلا …
.
✍️زبدةالاشعار✍️
?: @nohe_torki
.
مرحوم خوندل
.
ای زمین کربلا وی رشک فردوس برین
دین حقّی سنده احیا ایلدی سلطان دین
.
.
ای زمین کربلا وی عرش حق پیرایه سی
سنده خوش تفسیر اولوب ذبح عظیمون آیه سی
محکم اولدی قانیله دین مبینون پایه سی
تا بو عالم وار حوادثدن خلل گورمز بو دین
.
.
ای زمین کربلا وی مرکز شوق و شعف
سنده مقصوده یتشدی انبیای ما سلف
بیر حسینیله ولی تاپدون ایله شان و شرف
ایلدی افضل سنی عرشه او جسم نازنین
.
.
ای زمین کربلا وی جمله یردن منتخب
بو جلال و شأنه دارا اولمیوبسان بی سبب
زُلفنی نشر ایلیوب سنده خواتین عرب
زینبون بیر مویی دنیالردن افضل دور یقین
.
.
ای زمین کربلا وی کعبه تک عالی مقام
سنده شاه کربلا ائتدی مقدّس بیر قیام
بو عمل پوزدی یزیدین نقش آمالین تمام
عالم اسلام اولوب بو نهضته دائم رهین
.
.
ای زمین کربلا وی مدفن سلطان دین
آلموسان آغوشیوه سن بیر وجود نازنین
خاک پایین توتیا ایلر گوزینده حور عین
روح زهرا جان پیغمبر گوزل آدی حسین
.
.
ای زمین کربلا وی منظر اهل نظر
سنده بیر عدّه ائدوب دین اوسته ترک جان و سر
ظاهراً یتمیش نفر معناده اما بیر نفر
بیرده بو افرادی خلق ایتمز یقین خلق آفرین
.
.
ای زمین کربلا وی نکهتی روحه روان
روضه رضوان شمیمندن ویرور عطرون نشان
سن او یرسن سنده مدفوندور نشان بی نشان
سن او یرسن مفخر فردوس اولوب سنده دفین
.
.
ای زمین کربلا وی تپراقی خاک شفا
سنده بیر قان توکدولر خالق او قانه خونبها
آخدی قان آخدوقجا ویردی دین حقه اعتلا
عارف آنلار خونبهاسیندن او قانین قیمتین
.
.
ای زمین کربلا وی کعبۀ اهل وفا
تاپمادون بی علّت عالمده بو قدری ارتقا
سنده بیر سو مشکینه قان دولدی یاتدی بیر لوا
بیر علمدارین الین قطع ایتدی تندن اهل کین
.
.
ای زمین کربلانون فخری وی کان کرم
نوکرون «خوشخوانون» امریله بو سوز اولدی رقم
ایسته بیر وقفه او قبره ای امام محتشم
بانی و «خوندل» دویونجه ایلسون داد و انین
.
#سبک_زینبم_جان_اوستیم (بیش از 4 سبک)
.
#آرزوی_کربلا
#کربلا
#ای_زمین_کربلا_وی_رشک_فردوس_برین
#خوندل_تبریزی
#ترکی
.
✍️ #زبدةالاشعار✍️
?: @nohe_torki
نظر دهید