ای زینبه هر بیر نظری قدرت و یارا #وداع_بلوری

وداع امام حسین(ع)
زبانحال حضرت زینب(س)
..
..
مرحوم بلوری
..
..
ای زینبه هر بیر نظری قدرت و یارا
گوز سنده ایدر آینۀ حقّه تماشا
..
آیات ولا مصحف حسنونده عیاندور
اسمون اودی هر لحظه منه ورد زباندور
..
..
بو عرصه ده سن نصب ایلدون پرچم عشقی
تسخیر ایلدون عشقویله عالم عشقی
درک ایتدی جهان راز غم مبهم عشقی
سنله هامی دنیانی دوتار صیت انا الله
اسرار وفادن ایدر اهل دلی آگاه
..
..
دل اهلی گورر همّتیوی سلک وفاده
شرمنده اِرادَندَن اولار اهل اراده
عشقون گل باور آچاجاق کرب و بلاده
دنیانی جنان رشگی او گل نکهتی ایلور
هر درده دوا کرب و بلا تربتی ایلور
..
..
ای فخر بشر جان جهان علّت خلقت
وی سرو دل آرای گلستان ولایت
رفتار و خراموندا عیان شور قیامت
سنسیز بو بلا دشتی اولار محشر کبری
طوفاندان اثر گوسترور آرامش دریا
..
..
اسرار وفادن اولان ای آگه و عالیم
سنسیز دل دنیانی سالار درد و ملالیم
روحیم سنه وابسته دی ای قلب عوالم
روحیم بدنیمدن سنیله آیریلاجاقدی
بیر نقش بو تندیس وفادن قالاجاقدى
..
..
هر چند بو یولدا دوشرم درد و بلایه
سن تک گلرم محنت هجرونده نوایه
حاشا که ایدم هر نه بلا گلسه گلایه
هر درده دؤزوب تاب ایدرم تا نفسیم وار
چون غم گونی عشقون کیمی بیر دادرسیم وار
..
..
بو طرزیله که ایلموسن جنگه اراده
گویا که آتام جنگه گیدور راه خداده
حاشا که دییم گئتمه بو حرمتلی جهاده
بیر لحظه دایان تا دولانا باشیوه زینب
قربان او گوزل گوزلره گوز یاشیوه زینب
..
..
گوز یاشی کیمی زینبی گل سالما نظردن
سیل آینۀ گویلومی زنگار گذردن
آل گویلومی چوخ چوخ نگرانم بو سفردن
بو هجرت آلوب قدرت آرامیمی الدن
رجعت ایلین یوخدی سلامت بو جدلدن
..
..
تعجیلیله گیتمه بیله میدانه حسینیم
دوندرمه یانان قلبلری قانه حسینیم
گل رحم ایله اطفال پریشانه حسینیم
سندن صورا دشمن سالاجاقدور اله فرصت
اولادیوه رحم ایتمیه جاق اهل شقاوت
..
..
باخ گلشنوین گل لرینه گور نه سولوبدی
گوز کاسه لری شبنم اشکیله دولوبدی
گلزاریوه گویا که خزان مالک اولوبدی
هر بیر گلووین بلبلی آلقانه باتوبدور
گلدن آرالی تیره تراب اوسته یاتوبدور
..
..
اکبر غمی لیلایه بیوک بیر اسف اولدی
قاسم او گل عشق خزاندا تلف اولدی
اصغر بوغازی تیر جفایه هدف اولدی
حشره کیمی غمدیده ربابون یوزی گولمز
قاسم آناسیندان صورا کیم دردینی بولمز
..
..
گل چهره لروندن غم هجران آپاروب تاب
هر قلبی عطش سوزی ایدوب شمع کیمی آب
عبّاس فراقی ایلیوب دللری بی تاب
سندن صورا آل اللهه قالمور داخی یاور
آیریلماقیوی اهل حرم ایتموری باور
..
..
سندن صورا گوندوز اولاجاق گوزلره چون شام
بیر باشیم اولار مین لریله محنت ایّام
بولمم نه دیلیله ایدوم اطفالوی آرام
ایکاش آنام یول بو بلا دشتینه سالسون
غم مرحله سی زینبوین قیدینه قالسون
..
..
بولسَم که خلل یتمز اگر امر قضایه
صدیّقه آنام تک گلرم داد و نوایه
ال قالخوزارام درگه معبوده دعایه
ئوز مرگیمی بیر آن ده معبوددن آللام
حشره کیمی سنله بو بیانان ده قالّام
..
..
افسوس فلک ایستوری آلسون سنی مندن
یعنی آیرور بلبلی گل فصلی چمندن
آخر دئ گوروم آیریلوم آیا نجه سندن
بیر عمردی پروانه کیمی عشقوه یانّام
فخر ایلیرم عالمه سایه نده دولانّام
..
..
#وداع #بلوری #حسینیه_وداع #ترکی #زبدةالاشعار