زبانحال حضرت صغرا (س) در فراق برادر
.
✍️ #زبدةالاشعار ✍️
.
🆔: @nohe_torki
.
مرحوم تابع دین
.
فاطمه اولسون علی قربان سنه
گل ایلیوم دردیمی اعلان سنه
.
.
گل آماندور گور علی نولموش باجون
ابر تک گوز یاشینه دولموش باجون
هجر اوتوندا گول کیمی سولموش باجون
رنگی ایلر دردینی اعلان سنه
.
.
سن گیدندن من على جان ناخوشام
وصلیوی فکر ایلدوقجا دل خوشام
جان بی روحم بو روحیمدن بوشام
جسمیده سن روحیسن من جان سنه
.
.
سن گیدندن شغلوم اولموش سوزوساز
بوندان آرتوخ گل منه چوخ ایتمه ناز
گلمسنده لطف ایله بیر نامه یاز
خوش جزا وئرسین حق یزدان سنه
.
.
گلمه ماقدان یازماماقدان نامه سن
بدگمانم آغلارام هر دمده من
سینمی یاندیردی یاخدی بو محن
فرقتونده اولموشام گریان سنه
.
.
اولسا گر قاصد اونا ویرم پیام
سویلرم مندن آتامه وئر سلام
عرض ایله دیداره حسرت قالموشام
ایلرم صبح و مسا افغان سنه
.
.
باجیسین قارداش آتار گوزدن مگر
لطف ایله من بیکسه ایله به نظر
گل گتور قارداشیم اصغردن خبر
اصغره گاهی اولوم مهمان سنه
.
.
تابع دین گر چه یازدی شرح حال
لیک دم ویردی اونا بیر خوش خصال
هر ایکسین قبریوه بیر دعوت آل
ایتماقا قبرونده بیر افغان سنه
.
.
.
#حضرت_صغری #تابع_تبریزی
#فاطمه_اولسون_علی_قربان_سنه
#ترکی
.
✍️ #زبدةالاشعار ✍️
.
🆔: @nohe_torki
نظر دهید