ورود به مدینه
.
زبدة الاشعار
.
: @nohe_torki
.
سبک :: ویرانه ده نازلو بالام…
.
مرحوم نادری میانجی
.
ای زینب ای بختی قرا زار و حزینم من
اوغلانلاریم فرمان روا ام البنینم من
.
.
ای زینب ای خونین جگر اولدون نه پژمرده
اوغلوم حسینیمدن خبر ای زار و افسرده
زحمتلریم اولدی هدربس هاردا سر کرده؟
اکبر هانی یوسف لقا ام البنینم من
.
.
بختی یاتان بی کس قیزیم بس هاردا سردارون
نو کد خدا قاسم هانی اولسون جلودارون
پرچم دوتان هاردا قالوب عباس علمدارون
اوغلومدی چون صاحب لوا ام البنینم من
.
.
سن سن بتوله نائبه ای نوگل زهرا
قدون ندندور خم اولوب ای زینب کبرا
اوغلانلارمدان وئر خبر قان آغلوری صغرا
گیدون ندن رخت عزا ام البنینم من
.
.
گاهی دیورسن کربلا گه روز عاشورا
گاهی دیورسن کوفه دن گه شام پر غوغا
گاهی دیورسن سعد دون گه شمر بی پروا
سویله نه یردور کربلا ام البنینم من
.
.
گاهی دیورسن حرمله گه سود امر اصغر
گه منقذ ابن مره دن گه نوجوان اکبر
گه نهر علقم اوستونی ائتمیش دیلون ازبر
دردون منه سویله بالا ام البنینم من
.
.
گاهی دیورسن باشلارا قاره سالان باشدان
گاهی دیورسن نیزده ده رنگی سولان باشدان
گاهی تنور خولیده مهمان اولان باشدان
جانیم سنه قربان اولا ام البنینم من
.
.
گاهی دیورسن خیزران گاهی قوری لبلر
کیمدور او قیز که شامیده شامی کنیز ایستر
بو رمزی سوزلردن منیم زینب جانیم تیترر
گل سرّون ایله بر ملا ام البنینم من
.
.
گاهی دیورسن شامیده بیر بی وطن قالدی
بلبل خموش اولدی او گون پوزقون چمن قالدی
ئولدی خرابه شامیده ؟ کیم بی کفن قالدی؟
طاقت نجه ائتسون بالا ام البنینم من
.
.
زینب توکوب گوز یاشینی سسلندی ای مادر
باشون ساق اولسون ای آنا ئولدی علی اکبر
قولسوز دوشوبدور علقمه عباس نام آور
سویله اولان اوغلی فدا ام البنینم من
.
.
کرب وبلاده صبریمی آه و فغان کسدی
گور رشتۀ امیدیمی چرخ و زمان کسدی
گوردوم حسینون باشینی شمر و سنان کسدی
ایندی دئ سن ای بی نوا ام البنینم من
.
.
کرب وبلاده ائللریم طوفانه غرق اولدی
اوغلانلارون بی کس آنا القانه غرق اولدی
دریای غمده من ، حسین میدانه غرق اولدی
فریاد قیل وامحنتا ام البنینم من
.
.
ماه عزادور #نادری شیعه باتوب یاسه
دنیا توسل ایلیوب اول زبدۀ ناسه
گوز یاشیویله سنده یاز بیر نامه عباسه
قالدی اوغولسوز بیر آنا ام البنینم من
.
.
#سبک_ویرانه_ده_نازلو_بالام
.
.
#ورود_مدینه
#ای_زینب_ای_بختی_قرا_زار_و_حزینم_من
#نادری
#ترکی
.
#زبدةالاشعار
.
: @nohe_torki
متن های پیشنهادی برای شما
عفو ایله على الده یوخ امکانی ربابون #اصغریه_سیفی_اردبیلی
زبانحال رباب به طفل شیرخواره اش . #زبدةالاشعار . : @nohe_torki . سیفی اردبیلی . عفو ایله على الده یوخ امکانی ربابون آغلار گوزه قربان یورولان جانی ربابون . . ای باغ حیاتیمده آچان نرگس خوشرنگ اقبالیمون عرشینده گزنبیشتر
ندن سو کیمی اشگون رواندور علی اصغر #اصغریه_علومی_تبریزی
زبانحال حضرت رباب (س) در عطش حضرت علی اصغر (ع) در روز عاشورا . #زبدةالاشعار . : @nohe_torki . #سبک_علی_جان_بالا_لبیک . علومی تبریزی . ندن سو کیمی اشگون رواندور علی اصغر گل آغوشیمه صبر ایت اماندور علی اصغر . بیشتر
گنه یابن الحسن باشلاندی ماتم یاسه گلدوک #ورود_محرم_ماه_پری_زنجانی
ورود ماه محرم -طشت گذاری با توسل به حضرت امام زمان (عج) . زبدة الاشعار ?: @nohe_torki . رضا ماه پری زنجانی . گنه یابن الحسن باشلاندی ماتم یاسه گلدوک سو توکدوک طشته گوزدن ماتم عباسه گلدوک چاغیروق داده یاری اوزونبیشتر
قویما بوینون چگنیوه ای نور عینیم آغلاما #حیدریه_عاصی_تبریزی
شهادت حضرت علی (ع) تسلی دادن حضرت علی (ع) به امام حسین (ع) . #زبدةالاشعار . : @nohe_torki . مرحوم عاصی تبریزی . . قویما بوینون چگنیوه ای نور عینیم آغلاما جان وئرور مظلوم آتان مظلوم حسینیم آغلاما . . صفحۀ رویوندهبیشتر
چکدی لیلا بیلمرم یاران نجه بو غملری #اکبریه_مضطر_اردبیلی
حالات حضرت علی اکبر (ع) .. .. .. .. .. مرحوم مضطر اردبیلی .. .. .. .. .. چکدی لیلا بیلمرم یاران نجه بو غملری گتدی اخیامه حسین وقتی که نعش اکبری .. .. .. .. .. منتظر قالمشدی راه اکبر ناکامیده مضطرب تشویشیلن بی تابیدیبیشتر
ای سامره سی قبلۀ جان حضرت هادی #الهادی_بیدقداری
حالات حضرت امام هادی (ع) #گریز به #مجلس_ابن_زیاد زبدة الاشعار ?: @nohe_torki . حاج داود بیدق داری . ای سامره سی قبلۀ جان حضرت هادی محبوب خداوند جهان حضرت هادی درگاهی اولان کهف امان حضرت هادی سن اخترِ برجِ نبوی شمسبیشتر
نظر دهید