شهادت حضرت امام حسن عسکری علیه السلام
.
✍️ زبدة الاشعار ✍️
.
🆔: @nohe_torki
.
حاج داود بیدق داری (داور)
.
ای سامره سی قبلۀ دل کعبۀ جانلار
ای سفرۀ احسانینه وابسته جهانلار
ای باشینه حیران دولانان دور زمانلار
قدر و شرفون پایه سی مافوق مکانلار
چون بیردی سنه سر نهانیله عیانلار
توصیف مقاماتیوه قاصردی زبانلار
.
.
ای بزم ازلده گورونن شاهد و مشهود
ای محترم دایرۀ حرمت مسجود
هم قبلۀ مقصود ئوزی هم حجت معبود
هم حامد وهم بند دل احمد محمود
آرام دل و تاج سر مهدی موعود
باخسان گل ائلر باغلاری یاز مثلی خزانلار
.
.
عزت داغینا جلوه وئرن بحر کمالسان
گون مشعله گردانی ، ثریای جلالسان
سن جلوه ده محبوب خداوند جمالسان
منطقده علی اوخشاری، مرضیه خصالسان
زهرا گوزلی نور خدای متعالسان
گورمز سنه تای بیرده گوزل چشم زمانلار
.
.
یاندی جگر شیعه اَلولاندی غمونده
چوخ درده دوام ایلموسن عمر کمونده
مین سوز دل و رنج و اَلَم واردی دمونده
گویا گورونور نقشۀ محنت علمونده
آغلار حرم احوالیوه دور حرمونده
سندندی نشانه اوجالور عرشه فغانلار
.
.
آرزیم بودی مولا که سنون یارون اولیدیم
زنجیر ولایتله گرفتارون اولیدیم
سن گلشن زهرا گلی من خارون اولیدیم
گوز یاشلی گلوب خادم زوّارون اولیدیم
اولسیدی اگر اوردا عزادارون اولیدیم
اوخشاردی منیم گوز یاشیما #آب روانلار
.
.
گلدی دیلیمه #آب روان غصه چوخالدی
دوشدی یادیما کرب و بلاصبریم آزالدی
سو اولمادی زهرا باغی بیر گونده سارالدی
قانه بویانوب اهل ولا ناله اوجالدی
قارداشی ئولوب قانلی علم زینبه قالدی
جمع اولدی اونون دوره سینه قلبی یانانلار
.
.
غم محفلینه هر بیری بیر سوز ائدوب عنوان
لیلا علی اکبر چاغروب ایلدی افغان
بیر یاندا رباب آغلادی احوالی پریشان
سسلندی سو آزاد اولوب ای لبلری عطشان
گل نازلی بالا سینه ده واردی صودوم الان
ترک ایلمز اوغلوم آناسین غنچه دهانلار
.
.
#عسکریه_مدح
#عسکریه_شهادت
#ای_سامره_سی_قبله_دل_کعبه_جانلار
#بیدقداری
#ترکی
.
✍️ #زبدةالاشعار ✍️
.
🆔: @nohe_torki
نظر دهید