نوحه ضربت – 19 رمضان
.
.
#زبدةالاشعار
.
: @nohe_torki
.
#سبک_ای_درد_بی_درمانلارا … 10 سبک
با صدای مرحوم استاد #سلیم_موذن
پخش‌کننده صوت
مرحوم محمد حسن تابع دین
.
ای سجده گهده قانینه غلطان یارالی
ائتدون نمازه جانیوی قربان یارالی
.
زینب نجه گورسون بابا باشون یارالی
قانون ائدوب رخساریوی الوان یارالی
.
.
کیم ووردی باشوندن بیله کاری جراحت
شق القمر اولدی باشندان بیر علامت
آی گون یغشدی بیر یره اولدی قیامت
تار اولدی گوزده عالم امکان یارالی
.
.
جبریل سسلندی علی آلقانه باتدی
باش وئردی دینه رونق دینی اوجاتدی
باشی یاریلدی دلده کی مقصوده چاتدی
کشف اولدی خلقه بو غم پنهان یارالی
.
.
قلبیم دوگوندی گوزلریم یوللاردا قالدی
گوز یاشیم آخدی صورته رنگیم سارالدی
اولموبدی ممکن گلماقا چارم آزالدی
کاشانۀ صبریم اولوب ویران یارالی
.
.
واردور باشوندا یاره دن تاج شرافت
مقصودیوه یتدون بابا تاپدون سعادت
اطفالیوه سنسیز اولار برپا قیامت
اوللام شریک غم ئوزوم هر آن یارالی
.
.
سن رزمیلرده شیریدون ای شیر یزدان
دعواده ائتدون شیرلر تک عزم میدان
باش یاره سی سالدی سنی چوخ تئز ایاقدان
دوشدون ترابه ای شه مردان یارالی
.
.
هرگز دئمم اطفال مه سیمانی دیندیر
یا دل شکسته زینب نالانی دیندری
اوغلون حسینی شاه لب عطشانی دیندیر
قلبی اولوبدور غصه دن القان یارالی
.
.
بوللم بابا سندن صورا نه حاله قاللام
اوز باشیمون سرمشقینی من سندن آللام
باشون یاراسین ای بابا من یاده ساللام
زینب یاریلمیش باشیوه قربان یارالی
.
.
باشون یاراسی آغلادور من بینوانی
گوزده مجسم ایلوری دشت بلانی
اوغلون حسین قان آغلادار ارض و سمانی
باشی جدا اوسته اولار تابان یارالی
.
.
یانام بو غمده نی کیمی گللم نوایه
سنسیز دوشر باشیم منیم چوخ ماجرایه
غملر چکر آخر منی کرب وبلایه
دین اوسته وئرم عشقیمی اعلان ارالی
.
.
سنسیز یوزوم گولمز مینم دار فناده
هجرونده گلم نی کیمی فریاد و داده
قان آغلارام دلدن سنی سالدوقجا یاده
اولام غمونده هر زمان گریان یارالی
.
.
بو «تابع دین» ای بابا ایلور گلایه
عرض ایلوری شهلر مگر باخماز گدایه
بیر گوشۀ چشمیله باخ اول بینوایه
ائت درد بی درمانینه درمان یارالی
.
.
.
#حیدریه_شهادت
#ای_سجده_گهده_قانینه_غلطان_یارالی
#ترکی
.
#زبدةالاشعار .
: @nohe_torki
نظر دهید