در مقام معلم
.
✍️ زبدة الاشعار ✍️
.
🆔: @nohe_torki
.
اکبر قنبری تیکمه داش
.
فرهنگ و معرفتدی پیامی معلمین
منطقدی لحن طرز کلامی معلمین
.
.
واضحدی بو طلانی عیار ائیلیر محک
انسان گر انسان اولسا اولور برتراز ملک
واجبدی حورمتی آتالار احترامی تک
اولسون گرک مقامی گرامی معلمین
.
.
ازل او اولدو خلقه الفبانی اویره دن
تقسیم و ضرب علاوه و منهانی اویره دن
علم و هنرده حل معمانی اویره دن
دانشدی خلقه فکر مدامی معلمین
.
.
تکمیل اولوب معلمیلن علم بنیانی
تعلیم ائدیب ارسطونی سقراطی لقمانی
مشهور ائدن جهاندا اودور ابن سینانی
شاگرددیر حکیم نظامی معلمین
.
.
اولموش او دهریده ازل اوستادلار اوستادی
هر یئرده افتخاریله دیللرده دیر آدی
پیغمبرین مرامینه نسبتدی بنیادی
افضلدی عز و شان و مقامی معلمین
.
.
گوهر شناس یاخشی بیلر قدر گوهری
خوش رایحه مشخص ائدر مشک و عنبری
نوروزی امر ائدیب بو شعری یازدی قنبری
اولسون شیرین بو شعریله کامی معلمین
.
.
#فرهنگ_و_معرفتدی_پیامی_معلمین
#ترکی
.
✍️ #زبدةالاشعار ✍️
.
🆔: @nohe_torki
نظر دهید