زبدةالاشعار

ای محبان آل پیمبر مسجده منبره وار سلامیم #ورود_محرم_محمدی_ناطق

ورود ماه محرم الحرام
.
✍️ #زبدةالاشعار ✍️
.
🆔: @nohe_torki
.
محسن محمدی هشترودی ( ناطقی )
.
ای محبان آل پیمبر
مسجده منبره وار سلامیم
عاشقانه قوران بزم ماتم
آغلیان گوزلره وار سلامیم
.
.
شاه دینه ازل آدم آغلوب
ساقلیقیندا اوپوب خاتم آغلوب
فاطمه اوخشویوب مریم آغلوب
زینبه کیم اولوب همدم آغلوب
سبط پیغمبره وار سلامیم
.
.
روح ختم پیمبر حسیندور
میوة قلب حیدر حسیندور
زیب محراب و منبر حسیندور
شافع روز محشر حسیندور
رتبه ده برتره وار سلامیم
.
.
اهل عیالین اوگون گوزدن آتدی
دینه خاطر گیدوب قانه باتدی
مسلخ عشقیده وصله چاتدی
زینبین درد و غمله قوجاتدی
با وفا خواهره وار سلامیم
.
.
کربلاده اولان یاری ئولدی
قالمادی یار و انصاری ئولدی
دینه خاطر علمداری ئولدی
گون کیمی قالدی آثاری ئولدی
قطع اولان اللره وار سلامیم
.
.
اذن آلوب اکبری کارزاره
لیلینی گتدی غم آه زاره
گورمگه ممکن اولوب دوباره
ایتدیلر جسمنی پاره پاره
مه لقا اکبره وار سلامیم
.
.
قانه غرق اولدی شهزاده قاسم
دوشدی طوفانه دریاده قاسم
گوزلری سوی مولاده قاسم
بس چاغردی گله داده قاسم
منتظر گوزلره وار سلامیم
.
.
گیتدی میدانه سقّا ابوالفضل
مرد میدان و هیجا ابوالفضل
قانینی ایتدی اهدا ابوالفضل
مقصده چاتدی مولا ابوالفضل
با وفا سروره وار سلامیم
.
.
اولمادی سو لب عطشاندی اصغر
تشنه لیقدان او گون یاندی اصغر
آخرین وقته اوخلاندی اصغر
مطلقاً دینه قرباندی اصغر
صود امر اصغره وار سلامیم
.
.
نوبه چاتدی غرض بی معینه
یاور و یار مستضعفینه
گلدی غملر غم اوستن حسینه
اولمادی رحم ایدن دلغمینه
خشک اولان لبلره وار سلامیم
.
.
آچدی بیر منظره قتلگاهی
قبله ی عشقدو ر رازگاهی
رمز توحید دور هر نگاهی
گوزلیور عدنده دل بخواهی
ذبح اولان حنجره وار سلامیم
.
.
“ ناطقا “ شمر دوسداق اولیدی
دشمنان یکسر اوراق اولیدی
کاش ابوالفضل او گون ساق اولیدی
زینبه لحظه اوتراق اولیدی
زینت دفتره وار سلامیم
.
.
.
.
.
#ورود_محرم #محمدی_ناطق
#ای_محبان_آل_پیمبر_مسجده_منبره_وار_سلامیم
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  گل اوغول طوسه یتوب موسم هجران ئولورم #رضویه_عاصی_تبریزی

یک نظر

  • سلام
    اگه بخاطر امام حسین و اهل بیت زحمتی متحمل میشید بی زحمت شعرهای کامل رو داخل کانالها قرار بدین نه اینکه سه بیت نوشتین الباقی شعر در سایت….اگه جسارت و بی ادبی نباشه این کارتون مسخره بازیه …فی سبیل الله لطف کنید این حرف بنده رو بدل نگیرید و ناراحت نشید ولی قبلا دیترسی به اشعار در کانال راحت تر بود…ممنون

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی