ای سپهر معرفتده ماه دلستانیم اکبر #اکبریه_کریمی_مراغه_ای

شهادت حضرت علی اکبر (ع)
..
..
..
..
مرحوم کریمی مراغه ای
..
..
..
..
ای سپهر معرفتده ماه دلستانیم اکبر
آچ گوزون سسیمه سس ویر قالمیوب توانیم اکبر
..
..
..
..
گلمیشم او غول هرایه دور گیداخ حرمسرایه
ایتمه جدیوه گلایه تشنه نوجوانیم اکبر
..
..
..
..
ای کمالده ادبده مظهر پیمبر او غلوم
ای جمالده حَسَبده یوسفه برابر او غلوم
ای شجاعت و نسبده یادگار حیدر اوغلوم
حلم و خلق و خاصیتده مجتبا نشانیم اکبر
..
..
..
..
سرودور دیسم بو قامت سرو قان ایچینده یاتماز
ماه دور دیسم بو پیکر آی قلجلار آتدا باتماز
سن کیمی او غول آتاسین غم گونونده گوزدن آتماز
دور یامان گونومدی الدن یوخدی بیر دوتانیم اکبر
..
..
..
..
گرچه بو یخیلماقوندا باشیمی اوغول اوجاتدون
حیف اولا ایویمی یخدون قدیمی بوکوب قوجاتدون
مرحبا ره وفاده جان ویروب مرامه چاتدون
دورماقا جنازون اوستن دیزده یوخ توانیم اکبر
..
..
..
..
قان دوروبدی کاکلونده قطره قطره دانه دانه
اوخلار ایلیوبدی سینون شانه شانه خانه خانه
قالدى فرقتونده لیلا یاسلی یاسلی یانه یانه
بیرده دور گیداخ خیامه منله مهربانیم اکبر
..
..
..
..
سن ذبیح عشق جانان من خلیل کبریایم
سن منای عشقه قربان منده صاحب فدایم
یوللادیم سنی قباقجا منده عازم منایم
خوشدی جان کیمی قاریشسون قانویله قانیم اکبر
..
..
..
..
یاره وه دیوم ستاره آخ ستاره دن قان آخماز
اوخشادیم گوله نگاهون گول بو حسرتیله باخماز
سن دیمه آنان حنا تک زلفینه بو قانی یاخماز
مین حنایه رنگیدور بو رنگ ارغوانیم اکبر
..
..
..
..
قطعه قطعه دو غرانوبسان یوخدی طاقتون قیامه
چولقیوم عبایه نعشون حمل ایدوم على خیامه
ایمدی خیمه لرده لیلا یاسوی ایدوب اقامه
گوزلوری یولون بیر عده چشم خونفشانیم اکبر
..
..
..
..
نوحه وی یازار «کریمی» شور و ناله دن یورولماز
نصب اولوب کرامتوندن سینیه مدال ممتاز
بو زبانحاله اما عمده باعث اولدی «طهباز»
حاجتین فراهم ایله ای عزیز جانیم اکبر
..
..
..
..
#اکبریه #کریمی_مراغه_ای #اکبریه_شهادت #ترکی #زبدةالاشعار