مدح حضرت اباالفضل علیه السلام
.
✍️ زبدة الاشعار ✍️
?: @nohe_torki
.
معروفان اهری
.
ای سپهسالار عشقه یار و پر چمدار ابالفضل
منصبی باب الحوایج زینبه دلدار ابالفضل
.
.
عرصه میداندا مولا قؤزادون عزت لواسین
قوللاریندان کئچدون اما گئیمدین ذلت لباسین
ایلدین دریای غیرت سن حسینون کربلاسین
غیرت و شان و شرفده کیم سنه اوخشار ابالفضل
.
.
عترتین دردی یوخیدی تا ساغیدون کربلاده
دایم امنیت واریدی خیمۀ آل عباده
اوندا کی دوشدی بدندن قوللارین قانلی مناده
اللری قوینوندا قالدی چاره سیز قیزلار ابالفضل
.
.
سن باتاندا آی مثالی گون یوزون چکدی حجابه
سسلدی بو غمده زینب رحم ائله الله ربابه
خم اولوب قدی حسینون سن دوشن وقتده ترابه
باتدی زهرانین دوباره قلبینه مسمار ابالفضل
.
.
ای الی دست سخاوت گؤزلری دریای عرفان
سرور و سالار شیعه نوکر شاه شهیدان
شاهوه عالم فدادی نوکره نوکردی قربان
شیعه لر اولسون فدای صولت سردار ابالفضل
.
.
سن پناه بی پناهان دردلرین درمانی سن سن
شیعه قلبینده یئرین وار قلبلر سلطانی سن سن
غیرتین قربانی سنسن جنگلر اصلانی سن سن
سنده واردور ضرب شصت حیدر کرار ابالفضل
.
#سبک_ای_ویرن_ویرانه_یرده (بیش از 3 سبک در سبک های : استخاره کردم امشب … گلپونه ها … )
.
#عباسیه_مدح
#ای_سپهسالار_عشقه_یار_و_پرچمدار_ابالفضل
#معروف_اهری
#ترکی
.
✍️ #زبدةالاشعار ✍️
?: @nohe_torki
نظر دهید