قیزیم آتان گیدور حضور یاره زهرا #پیامبراسلام_خوندل_تبریزی

وصیت حضرت رسول اکرم (ص)
خطاب به حضرت زهرا(س)
..
..
مرحوم خوندل تبریزی
..
..
قیزیم آتان گیدور حضور یاره زهرا
یارادی قلبی وورما بیرده یاره زهرا
..
..
بوقدر توکمه گوز یاشون نوایه گلمه
بو آیریلیقدی یوخ بو درده چاره زهرا
..
..
قیزیم بو قدر ایتمه چیده غم اساسی
بو قدر اولما درد و غصّه آشناسی
بلالی باشیوون او قدر وار بلاسی
سنی سالار زمانه چوخ فشاره زهرا
..
..
قیزیم بو قدر ایلمه فغان و ناله
بو قدر توکمه گوز یاشون بو گول جماله
بو قدر باتما غصّه و غم و ملاله
بو قدر گلمه داد و آه و زاره زهرا
..
..
قیزیم هله سنیله ساز اولور زمانه
هله بو قدر ایتمه اشگیوی روانه
هله بهار وصل دونمیوب خزانه
هله فراق سالمیوب حصاره زهرا
..
..
قیزیم بو قدر ایلمه فغان و شیون
هله پوزولمیوب جفائیله بو گلشن
هله عم اوغلون اولمیوب اسیر دشمن
جسارت اولمیوب او شهریاره زهرا
..
..
قیزیم بو قدر اولما غصّه تلخکامی
هله حریم عصمتون وار احترامی
هله قاپوندا یوخدی دشمن ازدحامی
هله جلالدن باخ اعتباره زهرا
..
..
قیزیم منیم فراقیمیله اولما مغموم
حسن بالام جفائیله اولاندا مسموم
غریبلر کیمی اولار وطنده مظلوم
گلنده غم ایدر سنی هزاره زهرا
..
..
قیزیم بو قدر گلمه شیون و نوایه
هله تحمّل ایله محنت و بلایه
بو گوز یاشون ذخیره ساخلا کربلایه
محالدور غمی گله شماره زهرا
..
..
قیزیم حسینیم آیریلاندا قیزلاریندان
باخار دالنجا زینبیم ملول و گریان
توکر عذاره گوز یاشین اولار پریشان
دونر سرشگی بارش بهاره زهرا
..
..
قیزیم بو قدر اولما درد و غمله خسته
فراقیم ایتمسون بو نوع دل شکسته
حسینیمی گورنده ایسّی قوملار اوسته
سرشگیوی توک اوندا گلعذاره زهرا
..
..
#پیامبراسلام #خوندل_تبریزی #پیامبراسلام_شهادت #ترکی #زبدةالاشعار