بدرقۀ زائران کعبه
.
✍️ زبدة الاشعار ✍️
?: @nohe_torki
.
لطفعلی کریمی ( ترکی میانه ای )
.
ای شخصیلری که اولوسوز مکّیه عازم
ارباب ادب سوز سیزه توضیح نه لازم
.
آلله چاغیروبدور سنی اوز بیتینه مهمان
مِن باب پذیرائی آچوب سفره احسان
.
بو آیری قوناقلق دی بو بیر آیری سفردی
یولداش سنه هر مرحله ده فتح و ظفردی
.
پاک ایله خطا چرکینی گی توبه لباسین
آت زیور دنیانی گوتور توشه اثاثین
.
نازیله ملک لر سنی پیشواز ائده جکلر
شهپر ایاقون آلتدا ره انداز ائده جکلر
.
سعی ایله صفائیله دیین وقتده لبیک
درگاه خدادن سسیوه سس گله سعدیک
.
موسی کیمی اخلاصیله گئت طوره گئدیرسن
آت ظلمتی دلدن جبل نوره گئدیرسن
.
جهد ایله گوزی یاشلی قدم قوی عرفاته
احیا ائله یالوار اورا بنذر عرصاته
.
بو یولدا کی زحمتلره اُجرت وئره جکلر
اوز معرفتون قدریجه قیمت وئره جکلر
.
شیطانیله جنگه گئدیسن همّتون اولسون
دشمن قاباقیندا سیر اول صولتون اولسون
.
پرزوردی دشمن ایشه سال سعی و تلاشون
گوزله قیدوب دگمیه اوز سینه وه داشون
.
آلله سنی ممتاز ائلیوب بنده لریندن
سن جهد ائله سالما اوزون آلله نظریندن
.
ظاهرده مناده کسه سن قوچ قوزی قربان
باطنده ولی نفسوی ائت قانینه غلطان
.
احرامی که اورتوبسن حساب ائت کفنوندی
مشعر سنه محشردی او آغ پیرهنوندی
.
بیر لحظه که گوز یاشلی دوشر بیته نگاهون
آلله گئچه جاخ قالمیا جاخ ذرّه گناهون
.
هر چرک و کثافاتی اوزوندن ائت ازاله
دوشمه قیدندن صورا دای وزر و وباله
.
دور محضر معبودیده عرض ایله الهی
عفو ایله بو بندوندن اولان جرم و گناهی
.
بیر عبد ذلیلم قاپوا گلمشم آلله
اوز بیتوه خاطر منه ایله کرم الله
.
یارب غم عشقونده یانان جانلارا خاطر
بو مذبح عشقونده کی قربانلارا خاطر
.
بو رُکن و مقام و حجر الاسوده خاطر
بو بیته شرافت یارادان احمده خاطر
.
بو حجّی قبول ایله بو شرمنده لروندن
ای فضل و کرم معدنی گئچ بنده لروندن
.
#زائر_کعبه #کعبه
#ای_شخصیلری_که_اولوسوز_مکیه_عازم
#ترکی_میانجی
#ترکی
.
✍️ #زبدةالاشعار ✍️
?: @nohe_torki
نظر دهید