ای شمر حیا ایله خدادن – #حسینیه_صحاف_تبریزی

رجز
زبانحال حضرت زینب سلام الله علیها در کشمکش با شمر ملعون
.
زبدة الاشعار

?: @nohe_torki
.
مرحوم حاج محمد حسین جنتی مقام ( صحاف تبریزی )
.
ای شمر حیا ایله خدادن
ال چک بو غریب کربلادن
.

از بسکه دوتوبدی گوزلرون قان
قان قان دیوسن بو چولده هرآن
ظلمونده بو قدری ایتمه طغیان
شرم ایله خدای کبریادن
.

ظالم گوروسن یاراسی چوخدی
بیر صاف یری پیکرینده یوخدی
باشدان باشا زخم نیزه اوخدی
جسمنده یارا گیچوب یارادن
.

بیحالیدی ضعف ایدوب عطشدن
ال چک داخی سن بو کشمکشدن
قوی بیر گله باری حاله غشدن
گلمور نفسی دوشوب صدادن

.
بیر جسم که اولدی پاره پاره
وورمازلا اونا یاره دوباره
ساخلا الوی چکیل کناره
کسمه باشنی سوسوز قفادن
.

چوخ تشنه دی بو غریب و بیکس
باری بیر ایچیم سو ویر باشین کس
یوخدور سنه بو گون ویرن سس
بیر کیسمه اوتوزمین اشقیادن
.

جسمنده کثرت جراحت
بو یاره بو شدت جراحت
سوز عطشنده یوخ نهایت
گون ایستی اود یاغور سمادن
.

ظالم بو حبیب کبریادی
فرزند علی مرتضادی
کافر دگی سبط مصطفادی
ال چک داخی حرف ناسزادن
.

بو ایسی قوم اوسته گون دگنده
آرتار پارا سوزشی بدنده
دلدن یانوب العطش دینده
داش نیزه قلج گلور هوادن
.

بو سینه دی علم حقه مخزن
سن چکملی ایتمیسن نشیمن
دور قبلیه دوندروم یوزون من
صرف نظر ایت بو بینوادن
.

بیر جان ویره نی ایدله راحت
جان اوسته دی بو شه شهادت
انجتمه بو قدری ویرمه زحمت
گل شرم ایله جدی مصطفادن
.

حددن گیچوب اشقیا جفاسی
گور وار یارا دگمه مش هاراسی
دورت مین وورولوبدی اوخ یارسی
بیر سینیه قوم بیحیادن

.
زهرا قیزی ایتدی هر قدر داد
شمر ایلدی کینه سنده بیداد
اوج ایلدی آه و داد و فریاد
افلاکه او بنت مرتضادن
.

تا ظلم الین آچدی شمر کافر
ما بین ده حاکم اولدی خنجر
گوی اهلی گلوب نوایه یکسر
قان آغلادیلار بو ابتلادن

.
باخ سنده او عرصه قتاله
گور زینبی ایله آه و ناله
سالمازلا بیر عورتی او حاله
یان آغلا او حال غم فزادن
.

بیر کشمکش اولدی عقل حیران
زهرا قیزی اولدی قانه غلطان
دوشدی یره معجری باشندان
طاقت کسلوب او باوفادن
.

جان اوسته گوز آچدی حجت الله
گوردی باش آچوقدی عصمت الله
جوش ایلدی بحر غیرت الله
بو ظلم و جفای ناروادن

.
اوز فکرینی شه باشیندان آتدی
یاددان یارا سوزشین چیخاتدی
خون دلین اشک چشمه قاتدی
صبر ایستدی زینبه خدادن
.

فرمایش ایدوب شه لب عطشان
دورما باجی بوردا دیده گریان
گیت خیمه لره چوخ ایتمه افغان
چکمز بو ستمگر ال جفادن
.

شرم ایتمه دی شمر گوز یاشوندان
سالدی یره معجرون باشوندان
ال چک بو یارالی قارداشوندان
قان ایلمه باغرون التجادن
.

«صحاف» الونده یاندی خامه
ویرمه داخی طول بو کلامه
یتمز بو مصیبت اختتامه
قان اولدی گوگل بو ماجرادن
.

#حسینیه_شهادت
#قتلگاه
#ای_شمر_حیا_ایله_خدادن
#صحاف_تبریزی
#ترکی
.
#زبدةالاشعار

?: @nohe_torki