حالات طفلان حضرت زینب (ع)
..
..
شهاب پور اهری
..
..
ای شهید کربلا وی مظهر جانان حسین
زینبون اوغلانلاری اولسون سنه قربان حسین
..
..
بیر بئله پوزقون دولانما ای شه والامقام
ای شفیع یوم محشر مهجۀ خیرالانام
ساقی صهبای عزّت پادشاه مستظام
ناجی اسلام و ،ایمان مکتب قرآن حسین
..
..
قالما یالقیز عرصه ده ای سرور ملک ولا
دو رانوب یاورلرون قانه باتوبدور برملا
زینبون اولسون ایکی اوغلی سنه قارداش فدا
ای حبیب لم یزل وی خسرو دوران حسین
..
..
ایلدون امضاء الست عهدین دئدین قالوا بلا
جان و مالیله بو عهده خالقه وئردون رضا
طى منهاج ایلدون ای شهریار کربلا
عالمه اولدی مبرهن رتبه و میزان حسین
..
..
وار باشیمدا چون ازل گوندن سنه پیمان عشق
بحر تک ایلور تموّج دیلدہ کی طوفان عشق
عشقیوه دلبستیم ای زینبه سلطان عشق
لازم الاجرادی چاتسون باشه بو پیمان حسین
..
..
من سفیر کوى عشقم سن بلا سلطانیسن
جان و مالیندن گنچن کرب و بلا سلطانیسن
منصبون شمس امامت نینوا سلطانیسن
قویموسان نوح و خلیلی عشقیوه حیران حسین
..
..
وئردی لیلا اکبر شهزاده سین قربان سنه
یا سریه قاسمیندن گئچدی چاتدی ایمنه
نوبت لبیک حسین قارداش یتوب ایندی منه
جان و دیلدن حاضرم اجرا اولا فرمان حسین
..
..
غم یئمه قانه بویاندى عون و فضل و جعفرون
گول کیمی یا پرپر اولدی شیرخواره اصغرون
یا اباالفضلون ئولوب سیندی حسینجان شهپرون
عیبی یوخ پاینده قالسون قویگیلان قرآن حسین
..
..
سرفراز ائت زینبی ای خسرو گردون مدار
گل قبول ائت فدیه می قویما اولام من شرمسار
صاحبیم جعفر منه وئردی گلنده اختیار
بو قوزی قربانلاری ایلوم سنه قربان حسین
..
..
وئر اجازه سال یولا قارداش ایکی قربانیمی
اولما راضی بیرده تکرار ایلیم عنوانیمی
سهلدور بونلار فدا قیلام سنه اوز جانیمی
ای خلیل کوی وحدت سرور عطشان حسین
..
..
زینبون کمدور حقی دنیاده هاجردن مگر
یوللادی قربانگهه اوز اوغلون اول نیکوسیر
گرچه فدیه گوندروب خلّاق حیّ و دادگر
واقف الاسراریدی هر نیّته یزدان حسین
..
..
عاشق صادق حسین دنیاده هر زاددان گئچر
راه حقده جانینی بذل ایلیوب ایثار ائدر
زینبون قید اسارتله بوگون کامه یئتر
ظلمه تاب ایلر باجون هر نیلسه عدوان حسین
..
..
یاحسین آغلار بو غمده عرشده قدوسیان
نالیه گلمیش زمین و عرش و فرش و کهکشان
جان سنه قربان وئرن ایستی قوم اوسته امتحان
قورخورام قالسون جنازن بی کفن عریان حسین
..
..
..
#طفلان_زینب #شهاب_اهری #ترکی #زبدةالاشعار #اصحاب_الحسین
نظر دهید