زبدةالاشعار

ای شه ملک ولایت یاعلی #حیدریه_تائب_تبریزی

استغاثه از حضرت على (ع)
.
✍️زبدة الاشعار✍️
.
🆔: @nohe_torki
.
مرحوم #تائب_تبریزی
.
ای شه ملک ولایت یاعلی
فدیۀ راه عدالت یاعلی
یا علی یاعلی یا علی یاعلی
.
.
ارج قویدون پایه ایمانوه
هر بلا دین اوسته آلدون جانوه
سجده گاهوندا بویاندون قانوه
تاپدی جان جان عبادت یا علی
.
.
ای تمام مبتلایه باش چکن
هر غریب و بینوایه باش چکن
هر مریض بی دوایه باش چکن
ایلین هر دم عیادت یاعلی
.
.
وارمنیم چوخ مشکلیم آسان ایله
آچ ید احسانوی احسان ایله
بیر مریضیم وار اونا درمان ایله
واردی چوخ دردینده شدت یاعلی
.
.
دوشموشوخ غربت ولایت ده غریب
ناخوشوم الدن آلوب صبر و شکیب
قالموشوخ بیز بی دوا و بی طبیب
ایلن یوخدور طبابت یا علی
.
.
ای پدالله ای اوزی مشکل گشا
قالموشوخ مشکلده نومید از رجا
قویما مشکلده بیزی غربت آرا
قیل یامان گونده حمایت یا علی
.
.
اولما راضی اوزگیه بنده اولاخ
مسلموخ کفره پناهنده اولاخ
پیش وجدانلاردا شرمنده اولاخ
بیزده واردور روح غیرت یاعلی
.
.
ای یوزی آیینه مهر و وفا
ای صفاسی اهل دنیایه صفا
بومریضه هم دوا ویر هم شفا
باخماقون ایلر کفایت یاعلی
.
.
ای تمام مشکله آدی کلید
قویما مشکلده بیزی قیل بازدید
ناامیدوخ ناامیدوخ ناامید
ویر بیزه امید رحمت یا علی
.
.
قویما بی کس کیمسه لر بی یار اولا
غرق دریای غم بسیار اولا
بو ولایتده غریب و خوار اولا
بو ایکی اهل ولایت یاعلی
.
.
سن شه دنیا و دین من بیر گدا
من قاپون وورام گله سندن صدا
دست خالی ایتمه ای کان سخا
سائله ایله اعانت یاعلی
.
.
آند ویرّم روح طاها جانینه
عصمت کبرای یکتا جانینه
همسرون مظلومه زهرا جانینه
قیل بیزه ایمای رأفت یاعلی
.
.
گر بیزه قائلدی چوخلار امتیاز
هامودان چوخ دور اولا سندن بیر آز
اوغلومی آلآم کناره سرفراز
ایلرم ایرانه عودت یاعلی
.
.
قیل نظر بو ناخوش درد آوره
قیل تصدق شاهزاده اکبره
حلقی اوخلی شیرخواره اصغره
حق منه ویرسون سلامت یاعلی
.
.
تائبم هفتاد ساله نوكرم
دین یولوندا عمریمی صرف ایلرم
ای کریم النفس أوزون ایله کرم
قالماسون قلبیمده حسرت یا علی
.
.
#حیدریه_مدح
#ای_شه_ملک_ولایت_یاعلی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  بیله آغلاما یاندیم بیر آز یات على لایلای #اصغریه_خوندل_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی