قان آغلار گوزلریم نوگل احمریم #اصغریه_شایان_ارومیه

زبانحال حضرت رباب در شهادت ششماهه علی اصغر (ع)
.
✍️ #زبدةالاشعار ✍️
.
🆔: @nohe_torki
.
#سبک با صدای کربلایی صادق فرخی زاده
.
کربلایی رحیم شایان ارومیه
.
قان آغلار گوزلریم نوگل احمریم
تیز آخان اختریم لای لای ای اصغریم
لای لای ای اصغریم …
.
.
لای لای دادیم دوزوم
لای لای ملر قوزوم
آی باتان اولدوزوم
اوخلانان دلبریم
لای لای ای اصغریم …
.
.
یوخدی الده چاره م اوخلانان مه پاره م
قالدی دلده یاره م تا روز محشریم
لای لای ای اصغریم …
.
.
غنچه تک سولموشدون
قلبی قان اولموشدون
عطشدن ئولموشدون
باغلانان دفتریم
لای لای ای اصغریم …
.
.
دل داغلی دلداده م
قول باغلی آزاده م
لب تشنه شهزاده م
آدوندی ازبریم
لای لای ای اصغریم …
.
.
ای یوللار یورقونوم
لب تشنه دلخونوم
پرگاری پوزقونوم
وای سینان شهپریم
لای لای ای اصغریم …
.
.
ال ایاق چالماقون
لب تشنه قالماقون
عطشان ذبح اولماقون
اولموش دل اخگریم
لای لای ای اصغریم …
.
.
قاباقدا قاچمادون
غنچه م گول آچمادون
اوغلوم دیل آچمادون
قالدی نیسگیللریم
لای لای ای اصغریم …
.
.
ربابون مارالی
ای باشی بلالی
بوغازی یارالی
وای قانلی حنجریم
لای لای ای اصغریم …
.
.
آرزوم اولدی سراب
قلبیم اولدی کباب
سنلن ئولدی رباب
وار بونا باوریم
لای لای ای اصغریم …
.
.
گوزلرین آخاردی
نیسگیللی باخاردی
یاندیریب یاخاردی
قالدی خاکستریم
لای لای ای اصغریم …
.
.
گلسه سود سینه مه
غرق اوللام ماتمه
ایلرم زمزمه
ای گل پرپریم
لای لای ای اصغریم …
.
.
.
.
#اصغریه_شایان_ارومیه
#اصغریه_شهادت
#قان_آغلار_گوزلریم_نوگل_احمریم
#ترکی
.
✍️ #زبدةالاشعار ✍️
.
🆔: @nohe_torki