ای شرف کون و مکان یا علی #حیدریه_سیفی_اردبیلی

حیدری ام …
.
.
سیفی اردبیلی
.
ای شَرَف کُون و مکان یا علی
قبلۀ دل جان جهان یا علی
.
هانسی شَهون سن کیمی دیوانی وار
سائلوون مُحتَشم عنوانی وار
.
رتبه ویرن ذات خدا دور سنه
موسِی وعیساده فدادورسنه
.
بنده دی درگاهووه آزاده لر
مَحوِ جلالوندی مَلِک زاده لر
.
منزلتون نکتۀ غایتده دی
معرفتون اوجِ نهایتده دی
.
“سیفی ام” آئینه پَرَست اولمشام
یاری گوروب کعبه ده مَست اولمشام
.
درگهوون بَنذری رضوانه دی
عاقل اودورکه سنه دیوانه دی
.
نوکرون اولماقدا غُرور آلمشام
سسلَه مشم آدوی نور آلمشام
.
خارم اگر سایه نشینِ گُلَم
غالیه ساز چَمن و سُنبُلَم
.
عارفه دنیا قَفَس عشقیدور
معنی هَستی نَفَس عشقیدور
.
شامل اولوب فیض نگاهون منه
ویرمشم عشق آل ویریمه دامنه
.
میکدۀ سوز و گداز آچمشام
محضروه دست نیاز آچمشام
.
تیشۀ خصم افکنی فرهاده ویر
ساقی کوثر، منه ده باده ویر
.
روحیمی قوی حُوصَله ساز ایلیوم
بنده گیِ بنده نواز ایلیوم
.
بوشلامشام حسرت حورالری
ناز فَریبای زلیخالری
.
سائل کم ارزش منهاجواَم
دارمحبًتده که حَلّاجواَم
.
درگه لطفونده نظرکرده ام
دهریده تنها سنه، من بَرده ام
.
عشق منه مَعرَکه گردان اولوب
خونِ جگر، چشمۀ حَیوان اولوب
.
خوشلامورام جامِ جَم و سَروری
حیدری ام، حیدری ام، حیدری
.

#حیدریه_مدح
#ای_شرف_کون_و_مکان_یاعلی
#سیفی_اردبیلی
#ترکی
#زبدةالاشعار