شهادت حضرت علی (ع)
..
..
..
#سبک_عطری_گلور_محرمون … #سبک_واردی_باشیمدا_یا_حسین …. #سبک_ای_حرمینه_ناز_ائدن
..
..
..
سیفی اردبیلی
..
..
..
سیندی عدالتون بئلی
سؤندی چراغ هل اتی
درد و غم جهانیدن
ئولدی قوتاردی مرتضی
..
..
..
ترک جهان ائدوب علی
گئتدی صفاسی عالمون
اولمادی فخر آدمه
مهر و وفاسی عالمون
گیدی عزا لباسینی
اهل ولاسی عالمون
الدن امیدینی وئروب
جمله یتیم و بینوا
..
..
..
شیر خدای لم یزل
بادۀ وصلی نوش ائدوب
تیر فراقی دیللری
درد وبلایه توش ائدوب
الدن آلوب قرارینی
زینبی قاره پوش ائدوب
خون دل ایلیوب روان
هی چاغوراردی وای بابا
..
..
..
مجلس یأس اولوب سنه
غملی اطاقیمیز بابا
واردی بیر عدّه بینوا
ائوده قوناقیمیز بابا
قاره گون اولموشوق داخی
سؤندی چراغیمیز بابا
قان الرم بو دردیمه
دردیوه تاپمادیم دوا
..
..
..
بوشدی یرون اَوَل گئجه
وای دیوب آغلارام بابا
سئل کیمی اشک ماتمی
صورته باغلارام بابا
قانلی عمامه وه باخوب
سینه می داغلارام بابا
زینبه سندن ئوزگه یوخ
دهریده مایۀ رجا
..
..
..
من ننه دن یتیمیدیم
سنده که قالمادون منه
اولماسا باغبان مگر
کیم یئتیشر بو گلشنه
گل یوخوما سوروش منیم
حالیمی جان فدا سنه
گور نجه هجرون ایلیوب
زینبی درده مبتلا
..
..
..
داس غمیله خرمنِ
عزّتیمی اوراقلارام
هی باخارام آی اولدوزا
گل یوزیوی سوراقلارام
مظلوم آتا دیه دیه
سینه ده ال داراقلارام
جان اریدوب فراقیوه
نی کیمی ایلرم نوا
..
..
..
صرصر کینه بو ائوون
پوزدی صفا و عزّتین
سالدی قوتارمیان غمه
ختم رسالت عترتین
آیریلقون گلور بابا
زینبه هامّودان چتین
سنسیز آتا نه زندگی
ئولمگه ایلورم دعا
..
..
..
صبح آچیلاندا قؤزانار
شهریده که اذان سسی
یاره لی قلبیمه گلر
دلبر خسته جان سسی
حیف اولا باتدی سویلرم
رهبر عاشقان سسی
گئتدی صفاسی مسجدون
باتدی صدای لافتی
..
..
..
#حیدریه
#حیدریه_شهادت
#سیندی_عدالتون_بئلی_سؤندی_چراغ_هل_اتی
#سیفی_اردبیلی
#ترکی
#زبدةالاشعار
نظر دهید