شهادت حضرت زهرا (س)
.
#زبدةالاشعار
.
: @nohe_torki
.
مرحوم #دلریش
.
ای شیعه بو ماتمده زمین و زمن آغلار
گوز یاشی ایدر جاری حسین و حسن آغلار
با صد محن آغلار
.
گوز کاسه لرین ایليون اشکی له لبالب
ذرات جهانی گتورور درده بو مطلب
گلمیش باش آچوخ نالیه کلثوم له زینب
اولموش بو جهان زینبه بیت الحزن آغلار
.
یوخ دلده او يارا ایلسون بوغمی تقریر
تقریر ایلسم شیعه ویرور حالوه تغییر
باللهى بوغم ایلدی چوخ عالمه تاثیر
بونلاردان علاوه شه خیبر شکن آغلار
.
هنگام وفاتینده او خاتون قیامت
ایتدی شه مردانه بو نوعیله وصیت
بو زینب غمدیدیه چوخ ایله محبت
مندن صورا چوخ اشک توکر دیده دن آغلار
.
.
بیرده بودور عرضيم سنه ای سرور عالم
آیرما اوزوندن بو حسین اوغلومی بیردم
قوی سینوه باشین گئجه لر قویما چکه غم
من سیز بولورم هردم او گلگون کفن آغلار
.
.
عالم بو مصیبتده بلی باتدی ملاله
دوتديله بو خاتونه عزا ایتدیله ناله
بوغم شهِ لب تشنه غمین سالدى خياله
او سرور مظلومه زمین و زمن آغلار
.
.
فریاد او زماندان که گوروب زینب نالان
سويميشلا لباسین او شهون لشگر عدوان
گل تک بدنی گونلر ائوینده قالوب عريان
يوخ کمیسه اوعریان بدنی دفن ایدن آغلار
.
.
عرض ایلدی ایلوم نئجه نظّاره برادر
ایلوبله بوگل جسموی صد پاره برادر
دور باجون اسیر اولدی بو كفّاره برادر
سن سیز گئجه گوندوز بو جلای وطن آغلار
.
.
مانند اسیران حبش زمره کافر
اولادون اسیر ائتدیله بو چولده برادر
گه نازلو سکینون گهی بو لیلی مضطر
عریان دوده گور نئجه قولدا رسن آغلار
.
#سبک_ای_باد_صبا … 7 سبک
.
#فاطمیه_شهادت
#ای_شیعه_بو_ماتمده_زمین_و_زمن_آغلار
#ترکی
.
#زبدةالاشعار
.
: @nohe_torki
نظر دهید