ای صبا اوغلوم رضایه ، وئر خبربغداده گلسون #کاظمیه_اشکی_تبریزی

زبانحال حضرت موسی بن جعفر(ع)
.
زبدة الاشعار
.
: @nohe_torki
.
سبک : ای وئرن ویرانه یرده … عمه بو ویران سراده … استخاره کردم امشب … گلپونه ها
.
حاج مجید بدایعی (اشکی تبریزی)
.
ای صبا اوغلوم رضایه ،
وئر خبربغداده گلسون
گوشۀ زنداندا سالسون ،
من غریبی یاده گلسون
.
دیده گریان ، سینه سوزان
محبس بغداده گلسون
.
.
بیر نفر یوخدور انیسیم مونسیم فریاد شبگیر
ایلیوب تأثیر آهیم خلدیده زهرانی دلگیر
تو به تو تاریک زندان طوق تک بوینومدا زنجیر
نالیه جدّیم سزادورعالم معناده گلسون
.
اون بیر ایلدور اولموشام بو گوشۀ محبسده مغموم
دشمنِ بیرحم الینده اولدوم اؤزعصریمده مظلوم
بو قوجا وقتیمده آخر ایلدی ظلمیله مسموم
زهر کین تأثیر ائدوبدی مو به مو اکباده گلسون
.
.
گوزلریم هجرینده گریان قلب مسمومیم مکدّر
هر آتا جان اوسته اوغلون رسمیدورعالمده گوزلر
مژدۀ وصلیله زایل چون اولار دلدن بو غملر
فرقتی غم آرتورور بو خاطر ناشاده گلسون
.
.
بیر طرف گوگلومده واردور وصل جانان اشتیاقی
قلبیمی سالموش حصاره بیر طرف یاران فراقی
ویردی غربتده منه جام اجل بیرحم ساقی
ائتدی حسرت صون نفسده عترت و اولاده گلسون
.
.
گرچه ایلرغم دچاری گردش دوران غریبی
جان وئرن وقتینده خوشدور درک ایده یاران غریبی
اولمیوب بیر کس جهاندا من کیمی زندان غریبی
حسرت دیدارم اُول سروِ قدِ شمشاده گلسون
.
.
ایلیوب مأمورهارون سِند بی شرم و حیانی
گونده بیر دفعه سالور یاده منِ بی اقربانی
گَه دوگوب گَه اینجیدوب بیر نوعیله بو خسته جانی
بیله بیرحم و دنی مشکلدی بو ایجاده گلسون
.
.
.
.
#سبک_ای_ویرن_ویرانه_یرده
#سبک_استخاره_کردم
#سبک_گلپونه_ها (با اضافه کردن واگیر مناسب )
.
.
.
#کاظمیه_شهادت
#ای_صبا_اوغلوم_رضایه_وئر_خبر_بغداده_گلسون
#اشکی_تبریزی
#ترکی
.
#زبدةالاشعار
.
: @nohe_torki