مدح حضرت زینب (س)
.
✍️ زبدة الاشعار ✍️
.
🆔: @nohe_torki
.
رمضانی (خاکی)
.
چوخ سوور چون ساکنان آسمان زینب آدین
ایلیوب ازبر اودی افلاکیان زینب آدین
.
بیرخانیمدی گلمیوب گلمز مثالی حشره جک
انبیا لرده ائدوب ورد زبان زینب آدین
.
وئر قسم زهرانی بو آده یتیش آمالوه
هامیدان چوخ ایستییر فخر زنان زینب آدین
.
چاره سیز دردین سوروشدی بیر نفر درمانینی
تز اودم گتدی دله صاحب زمان زینب آدین
.
هرخانیمدا یوخ لیاقت آدی اولسون زین اب
انتخاب ایلوب خدای انس و جان زینب آدین
.
غیرت حیدر کیمه چاتدی سوروشسا، مدعی
اولما تردیله دچار ایله بیان زینب آدین
.
رزمگاه عشق و ایثارو شجاعتده دییر
تاجهان وار قهرمانان جهان زینب آدین
.
کوفه و شامین یولوندا تا ائشیتدی تتردی
قورخودان شمرو سنان و ساربان زینب آدین
.
گوردی بی پروا اوتورموش مجلسینده وقریلن
تز سوروشدی امپراطور زمان زینب آدین
.
بو او زینبدی مسخر ائتدی شامون شهرینی
باشینه قولدا رسن یخدی یزیدین قصرینی
.
اولمیوبدی بی سبب حیدر کیمی دشمن شکار
رگلرینده زینبین چون مرتضانین قانی وار
.
#زینبیه_مدح
#چوخ_سوور_چون_ساکنان_آسمان_زینب_آدین
#رمضانی_خاکی
#ترکی
.
✍️ #زبدةالاشعار ✍️
.
🆔: @nohe_torki
نظر دهید