ای صبا بیزدن یتور سن شاه بطحایه سلام #14معصوم_صحاف_تبریزی

سلام بر چهارده معصوم (ع)
.
.
مرحوم صحاف تبریزی
.
.
ای صبا بیزدن یتور سن شاه بطحایه سلام
آل طاها هئیتندن آل طاهایه سلام
.
خسرو ملک ولایت تاجدار هل اتی
فاتح خیبر ولىّ حىّ یکتایه سلام
.
فاطمه امّ المصاب عصمت کبرای حق
خوش گونه حسرت قالان عالمده زهرایه سلام
.
ظلمله مسموم اولان مظلوم امام مجتبا
قبری ویرانه قالان أول شاه والایه سلام
.
کربلاده دین اسلام اوسته یتمیش بیرنفر
قطعه قطعه دوغرانان اجسام زیبایه سلام
.
زیر باره گیتمین دشمنلره باش اگمین
ذلّته تن ویرمین شیران هیجایه سلام
.
رهبر آزادگان شاهنشه عرش آستان
گل یوزی مصداق شمس عالم آرایه سلام
.
گون قباقنده قالان توپراقلار أوسته بیکفن
جبرئیل لای لای دین صدپاره اعضایه سلام
.
نیزه لرده آی گونه بنزر او قانلى باشلار
ناقه لرده دست بسته جمع ثکلایه سلام
.
قهرمان شام و کوفه زینب عصمت مآب
دخت زهرا شیر زن بانوی علیایه سلام
.
شامده بی دین یزیدین کفرین اثبات ایلین
سیدسجاد او ماه مهر سیمایه سلام
.
حضرت باقر وصی پنجم ختم رسل
حضرت صادق شه دنیا و عقبایه سلام
.
اون بیر ایل هاروین الینده بستۀ زنجیر اولان
جان ویرن زنجیریله زنداندا موسایه سلام
.
زادۀ موسی ابن جعفر شاه اقلیم رضا
گوش اعلادن او قبر پاکی اعلایه سلام
.
هم ابی جعفر تقی شاهنشه عالم نقی
بو ایکی نور خدای حیّ و یکتایه سلام
.
هم امام عسکری گنجینه ی اسرار حق
ایلین سامرّه نى مدفن او مولایه سلام
.
قائم آل مُحَمَّد حجة ابن العسکری
حافظ و حامی اولان بو شرع غرّایه سلام
.
فیض بخش عالم امکان شه مالک رقاب
جلوه سی زینت ویرن عرض معلّایه سلام
.
اللرى قوینندا گون تک ابر غیبتده قالان
ذکرى واجدّا اولان بی مثل و همتایه سلام
.
ذوالفقارین صاحبی جدّی حسین قانین آلان
لبلری غنچه یوزی گل قدّی رعنایه سلام
.
بیرده «صحّافون» دلینجه ایله ای باد صبا
بومقدس هیئتیله اهل معنایه سلام
.
.
.
#14معصوم #ترکی #چهارده_معصوم #زبدةالاشعار #صحاف_تبریزی