ای صبا وئر خبر عشاقه که دلدار گلور #حضرت_معصومه_نادربابایی

میلادیه حضرت معصومه سلام الله علیها
.
زبدة الاشعار
.
: @nohe_torki
.
حاج نادر بابایی
.
ای صبا وئر خبر عشاقه که دلدار گلور
منزل عشقه گجیله گنه ده یار گلور
.
اهل عرش اندیله فرشه،سپه لرمقدمینه
سوسن ونسترن و زنبق وگلنارگلور
.
گلشن عشقی اونون نکهتی مست ایلیه جک
نه فقط عطر گلور،صحنیه عطار گلور
.
گوره سن کیمدی اونی عاقل ودیوانه تانور
ائشیدوب گلمگینی مستیله هشیار گلور
.
یری واردور دوشنه حوریلرون زلفی یره
تا اولا حضرت عشقین یولی هموار،گلور
.
عندلیبا داخی هجران غزلین ایله رها
قدح اللرده کی عشاقه دئ خمار گلور
.
باغبانا دوزوسن گللرووی دایره وار
مرکز گلشنووه نقطه ی پرگار گلور
.
یم عصمتده گوروندی گوزه بیرگوهرناب
صدفیندن آرالانمیش در شهوار گلور
.
چون شفاخانه دی بو درگه معصومه بیلون
بو گجه مجلسینه،خسته و بیمار گلور
.
غمون اولماز دئسه لر(نادر)اگر حشرگونی
سوزوون مشتریسی احمدمختارگلور
.
.
#حضرت_معصومه_نادربابایی
#حضرت_معصومه_میلادیه
#ای_صبا_وئر_خبر_عشاقه_که_دلدار_گلور
#ترکی
.
#زبدةالاشعار
.
: @nohe_torki