ای ظلم اشقیادن مسموم امام صادق #صادقیه_کریمی_مراغه_ای

شهادت حضرت امام جعفر صادق علیه السلام
.
.
#سبک_احوالیمیز_یاماندی (بیش از 10 سبک)
مشابه
پخش‌کننده صوت

.
.
.
مرحوم کریمی مراغه ای
.
.
ای ظلم اشقیادن
مسموم امام صادق
اوز اهلینون الینده
مظلوم امام صادق
معصوم امام صادق
.
.
.
سالدی سنی ایاقدان
منصور بی مروت
ایستردی سنده ائتسون
ایجاد رعب و وحشت
گه مجلسینده ائتدی
ظالم سنه جسارت
حکم قضایه اولدون
محکوم امام صادق
مظلوم امام صادق
.
.
گاهی بنی امیه
ائتدی سنه اذیت
عباسیان ظالم
غصب ایلدی خلافت
دین مقدس اوسته
چکدون نقدری زحمت
دوزدون هامی جفایه
مهموم امام صادق
مظلوم امام صادق
.
.
قبرون قالوب بقیعده
گونلر ایونده ویران
نه گنبد و ضریحی
گلدسته صحن و ایوان
ایلر سلام او قبره
زواریلر اوزاقدان
شیعه زیارتوندن
محروم امام صادق
مظلوم امام صادق
.
.
جدّون حسینون عالی
صحنی گوزل رواقی
هر سمتدن قویوب یوز
دربارینه قوناقی
هرگون اَسر لواسی
هرشب یانار چراغی
سن تک هانی بلا کش
معصوم امام صادق
مظلوم امام صادق
.
.
موسی بن جعفرین وار
خوش مرقدی عراقدا
یاتمیش بابا نوه یله
آسوده بیر رواقدا
قبری بالون رضا نین
گرچه قالوب اوزاقدا
سن تک دگول جفادن
مغموم امام صادق
مظلوم امام صادق
.
.
قالمیش خرابه قبرون
جنب آتا باباده
بیر شمع یاندیران یوخ
درگاه مجتباده
بیر جوت بالان یاتوبلار
حسرتله سامراده
غربت سیز اهلبیته
مرقوم امام صادق
مظلوم امام صادق
.
.
هئچ کس غریب اولانماز
سلطان کربلا تک
طوفان گورنمز عالم
طوفان کربلا تک
قربان منا گورنمز
قربان کربلا تک
آغلار حسینه هم لیل
هم یوم امام صادق
مظلوم امام صادق
.
.
.
#صادقیه_شهادت
#بقیع
#ای_ظلم_اشقیادن_مسموم_امام_صادق
#کریمی_مراغه_ای
#ترکی
#زبدةالاشعار