شهادت امام حسین (ع)
.
✍️ #زبدةالاشعار ✍️
.
🆔: @nohe_torki
.
هدایتی تبریزی
.
ای عالمی حیرتده قویان قانلی قیامی
وی دل لری تسخیر ائلین عشق و مرامی
.
طرّاح ازل طرح ائلیوب عرش ده حسنون
زینت اولونوب دور سنیله کنگره بامی
.
کیمدور سنه تای اولسون عجین جوهر عشقه
خون و رگ و شَعر و بشر و لحم و عظامی
.
مثلین گله عشق عالمی بو عالمه هیهات
اخذ ایله میسن عشقله محمود مقامی
.
یوخ واژه یازام حسنوه ارزنده مدیحه
ای کعبه دن افضل تانینان قانلی منامی
.
ای نور جمالی ائلین گوزلری خیره
مه طلعتی حیرت ده قویان بدر تمامی
.
ای پاک و منزّه چمنین لاله ی پاکی
وی دل لری پر سوز ائلین درد و مهامی
.
ای تیر جهالتله اولان سینه سی شانشان
وی قلبنی ویرانه ائدن ظلم سهامی
.
ای سلسله ی حکمت و عرفان دا سر آمد
میدان شجاعتده یل فارس و نامی
.
ای آب فرات حسرتی ، ای کوثرین اوغلو
گوز جامی دولو اشکیله ، بوش الده سو جامی
.
ای سلم و صداقتده ، سخاوتده سر آمد
وی عزّت نفسیله یخان لشکر شامی
.
دریای کرم ، میر حرم ، شافع محشر
شاه لاردان اولان باش قاپی دا قاره غلامی
.
ای حرمتنی سندرانا راحم و اشفق
وی نهضتی احیاء ائلین بیت حرامی
.
ای سوزلری تفسیر کلام حق یکتا
وی ذهن لری روشن ائدن حسن کلامی
.
ای صبرده ایّوبی قویان واله و حیران
وی بخششی شرمنده ائده قوم خصامی
.
ای گوزلری خیره ائلین نور طلوعی
وی دل لری مفتون ائلین حسن ختامی
.
ای سینه یاران اوخ دان آلان باده ی عشقی
وی قاتل نین گردنینه حقّ و زمام
.
قانی بویویان مرکب نین کاکل و یالین
یئرده سورونن مرکب نین قانلی لجامی
.
ای حمله سی بر هم ائلین نظم صفوفی
وی وحشته کفّاری سالان برق حسامی
.
ای سوز عطشدن قورویان تشنه دوداقی
وی محنتی گریان ائلین میر انامی
.
.
آتدان یوزو اوسته یخلان وقته ترابه
بو عالم خاکی ندن اولموب دی خرابه
.
.
دشمن یارالی تشنه شاهی سالدی حصاره
دگدی یارا اوستن یارالی سروره یاره
.
بیر ضربیه هر ضربه وران اولمادی قانع
تکرار ائلیب ضربه لرین وردی دوباره
.
هر سمته دؤنردی الی خنجرلی گورردی
بیر حامی اولان اولمادی اول درده دچاره
.
بعضی داشئلان بعضی سی نیزیله وراردی
گلمزدی وجودون دا اونون یاره شماره
.
هر ظلمه گمان گلدی ائدیب شام سپاهی
ائتدی هره اوز بولدوغون اول پاک تباره
.
آغزی ، دوداقی یاره لی ، آلنی یارالی دی
سوز عطشندن دولانوردی گوزی تاره
.
هردن دولانوب علقمیه ساری باخاردی
داغلی سنه سین گوستریب ایلردی اشاره
.
یعنی اؤلورم قارداش الیمدن دوتانیم یوخ
کیمدور منی چکسین بو شرایط ده کناره
.
طغیان ائلیب داشلادی بو قوم ستمگر
دگدی بدنه ، آلنا ، باشا ، قانلی عذاره
.
قان پرده چکیب گوزلره هئچ دشمنی گورمم
بیلمم اوز امامین ورور هانسی یوزی قاره
.
هئچ کیمدن امان یوخدو منه ، حمله ور اولموش
بو قوم ستمگر چه پیاده ، چه سواره
.
ال بیعته وئرمم طلقا زاده یزیده
باش اگمرم اکراهله ، باشیم گئده داره
.
دارایمی ، اولادیمی ، باش و جانی یکسر
قربان وئررم عشق و ارادتله نگاره
.
جنّت دی یئریم ، جیفه ی دنیا نیه لازم
دنیا اولا گوهر ، توکرم مقدم یاره
.
گون ایلور اذیّت ائله سین ، یوخدو گلایم
آتسین اورگیم قانی یوزه مثل فواره
.
داش ، نیزه ، قلج ، اوخ نقدر دگسه سوزوم یوخ
حالیم خوش اولار باخسا نگاریم من زاره
.
مقتل ده منه یوخدور امان دشمن الیندن
مخیم ده هراسان دی عیالیم نه دی چاره
.
من گول کیمی اوراق اولونام رعب یوخومدور
اوستوم ده رقیّه ام آچا باش مثل هزاره
.
بیر غصّه بودور غارت اولار اهل و عیالیم
زینب قولو باغلی چکیلر اوزگه دیاره
.
جسمم قالا گونلر قاباقندا نه غمیم وار
یا گتمیه بوپیکر صدپاره مزاره
.
اؤلسه بیری غربت ده ( هدایت ) منه آغلا
تاپسا بیری یا فیض شهادت منه آغلا
.
.
#حسینیه_هدایت_تبریزی
#حسینیه_شهادت
#ای_عالمی_حیرتده_قویان_قانلی_قیامی
#ترکی
.
✍️ #زبدةالاشعار ✍️
.
🆔: @nohe_torki
نظر دهید