استمداد حضرت قاسم (ع)
.
✍️ #زبدةالاشعار ✍️
.
🆔: @nohe_torki
.
حاج حسین حسنی افشرد
.
ای عالم امکانه رجا خسرو امجاد
گل قاسم شهزادیه ایله اوزون امداد
.
.
جان اوستیم ای سرور عطشان ئولورم گل
اولّام او گلن یولّارا قربان ئولورم گل
.
.
گلزار حسن نو گولونی ایتدیله خندان
میدانی بو خندان گل ائدوب صحن گلستان
گل قویما منی منتظر اولّام سنه قربان
آخر نفسیمدور منیم ای کان کرامت
بیمار غمون ایله بو ساعتده عیادت
.
.
حسرتله گوزوم یولدادی ای شمس امامت
بیر الده قالان السیزه گل ایله حمایت
آز قالدی که من نوش ایلیم جام شهادت
جانانیمه آگهسن اوزون جان وئرورم من
ئولماقیمی بو نحویله اعلان وئرورم من
.
.
سن شمع وفا من سنه پروانۀ خسته
پروانه کیمی شعلۀ سوزانیوه بسته
یاندی قانادیم چوخ سورم باشیمون اوسته
بیرده گورم اول شمع فروزانیم اوتورسون
دشمن نقدر یاره وورار جسمیمه وورسون
.
.
باک ایلمرم منکه ئولومدن بولوسن سن
اکبر که ئولوبدی نیه لازمدی قالام من
لیلا ایلین وقته علی اکبره شیون
هم ناله او نالانه گرک مادریم اولسون
یوخ دادرسی دادرسی داوریم اولسون
.
.
سن بیر گل پژمرده و من نو گل خندان
بو کرب و بلا دشتیده بیر صحن گلستان
من بیر آتاسیز سنده اوغولسوز سنه قربان
اکبر طرفیندن نجه داغ دلیمیز وار
یثربده آتامناندا ائله نسگلیمز وار
.
.
دشمن منه بو چولده بوگون تاپدی عمو ال
یخدی یره آتدان منی بو فرقۀ ارزل
سوء ادب اولدی سیزه گر عرض ائلدیم گل
ای قبلۀ حاجات ایا شمس هدایت
تشریف گتورسن اولار البته سعادت
.
.
دشمن ستمی ناله سویدادن آیردی
بیر یوسفی مینلرجه زلیخادن آیردی
دنیا ستمی وامقی عذارادن آیردی
عشّاقی غمیم حشره کیمی خونجگر ایلر
ناکام ئوله نین محنتی قلبه اثر ایلر
.
.
مشگل دگی توپراقلارا قانیم سوزولوبدی
مرجان کیمی زلفومده عمو قان دوزولوبدی
مشگل بودی که ال اتگوندن اوزولوبدی
دوت بیرده الیمدن سن على اکبره خاطر
سولموش سوسوزوندان سود امر اصغره خاطر
.
.
قاسم سسینی آلدی چو شاهنشه مضطر
تشویشه دوشوب خاطری چوخ اولدی مکدّر
قاسم باشی اوستن داغدوب دشمنی یکسر
آتدان اوزونی سرعتیله شه یره سالدى
حسرتله یارالی باشین آغوشینه آلدی
.
.
اوخدان یارالی جسمی گوروب شهپر آچوبدی
رضوانه طرف مرغ حیاتی پر آچوبدی
فریاده گلوب قولارین اول سرور آچوبدی
آغوشه چکوب نعشینی گوز کاسه سی دولدی
سسلندى فراقون عمووا چوخ چتین اولدی
.
.
سن داده چاغردون منی ای سرو دل آرا
گلدیم یتیشم دادیوه بو عرصه ده تنها
بی فایده اولدی سنه بو گلماقیم امّا
جسمون قالوب آتلار ایاقی آتدا پریشان
ترکیبنی گورّم داغدوب سمّ ستوران
.
.
قاسم باشی اوسته ایله چخمشدی اوزوندن
گه یارہ لی جسمیندن اؤپردی گه اوزوندن
آخرده دوروب گوز یاشینی سیلدی گوزوندن
جسمین چکوب آغوشینه خرگاهه آپارسون
خورشید رخی خیمه ده کی ماهه آپارسون
.
.
قاسم باشنی سینه سینه آلدى او حضرت
وئردی حرکت پیکرینه گوردی او ساعت
توپراقدا ایاقلار سورونور بس ندور علت
گویا او گوزل جسمی اوزانموشدی جفادن
باشدان ایاقه قانه بویانمیشدی جفادن
.
.
بیر نکته گلور خاطریمه قلبیمی داغلار
باب فرح و عیشی او نکته یوزه باغلار
گر ذکر اولا جنّتده امام حسن آغلار
قاسم بدنی گر چه اوزانموشدی جفادن
هر چند یازوب بو سوزی بعضی علمادن
.
.
اما غم اکبر شهی پر غم ایلمیشدی
بیر عمر حسینی غمه همدم ایلمیشدی
اکبر ئولومی قامتینی ختم ایلمیشدی
قاسم باشین آغوشه آلان دمده او حضرت
خم قدی رسا اولمادی حملی اولا راحت
.
.
القصه یتوردی خیَمه نعشینی اول شاه
سس دوشدی که قاسم گلوری خیمیه ناگاه
بو مسئله دن بیکس آناسی اولوب اگاه
بلبل کیمی شور دلین اغاز ایلیوبدی
خندان گولونی شوریله پیشواز ایلیوبدی
.
.
پروانه صفت شعلۀ شمعیله یاناردی
بلبل کیمی گل باشینه پیدر دولاناردی
درد دله دل آچماقا شهدن اوتاناردی
آهسته دیردی گل خندان بالام ای وای
حسرتله باتان قانینه عطشان بالام ای وای
.
.
شاها «حسنی» ایستور اولا قبریوه زوّار
بیر عمردی صدقیله سنه اولموش عزادار
امّا بولوسن طعن و شماتت ایدر اغیار
یانّام شرر آهیله پروانۀ عشقم
بیگانه خیال ایلوری بیگانۀ عشقم
.
.
.
#قاسمیه #حسنی_تبریزی
#قاسمیه_شهادت
#ای_عالم_امکانه_رجا_خسرو_امجاد
#ترکی
.
✍️ #زبدةالاشعار ✍️
.
🆔: @nohe_torki
نظر دهید