ای عزتیله درگهی باب رجا خانم #حضرت_معصومه

در مدح حضرت معصومه (س)
.
زبدة الاشعار
.
: @nohe_torki
.
امیر عبدی
.
ای عزتیله درگهی باب رجا خانم
بو درگهوندی بیزلره عالی سرا خانم
.
هر کیمسه نی بو دهریده اینجیتسه روزگار
عشقون اولار او دردینه والله دوا خانم
.
قبروندی اهل عشقه بهشت برین حق
باب بهشتی بوردا آچوبدور خدا خانم
.
عفّتده سن یگانه ی دهر و زمانه سن
سندن شرافت اخذ ایدر هر باحیا خانم
.
موسی ابن جعفرین ثمر عمروسن یقین
عصمت اولوبدی جسموه عالی ردا خانم
.
هر کیمسه قبروه گلوری کام دل آلور
چونکه چاتور اجابته بی شک دعا خانم
.
عالی مقامه چاتموسان ای معدن وقار
آل رسوله منزل ایدوبسن بنا خانم
.
بوی بقیع و فاطمه نی سندن اخذ ایدر
هر کس که ایلسه سنی بی حد ثنا خانم
.
سیزدن تلالو ایلوری آفاقه نور عشق
موّاج اولور ئورکده کی عشق رضا خانم
.
قارداش آدیله سالدون ئوزون درد غربته
قارداش آدیله عمریوی ویردون باشا خانم
.
چوخ نسگل اولدی قارداشیوا چاتمادی الون
صبر ایلدون بو نسگله ایتدون نوا خانم
.
آدیم اگر « امیردی » ، من نوکرم سیزه
عفو ایله گر چه اولموشام اهل خطا خانم
.
بسدور منه دیسم سنه گر اشفعی لنا
تا کسب ایدم شفاعتی ، روز جزا خانم
.
.
#حضرت_معصومه_مدح
#ای_عزتیله_درگهی_باب_رجا_خانم
#امیر_عبدی
#ترکی
.
#زبدةالاشعار
.
: @nohe_torki