ورود ماه محرم
.
✍️ #زبدةالاشعار ✍️
.
🆔: @nohe_torki
.
#سبک_احوالیمیز_یاماندی … 10 سبک
.
مرحوم دلریش
.
یاران گلین فغانه ماه محرم اولدی
دوتدی جهانی ماتم ، بیر اوزگه عالم اولدی
.
.
بیلمم نه غمدی یا رب،تازه لنیر بو هر ایل
بو دردیدن علاوه ، اولدی غریبه مشکل
اولماز بو درده چاره، اولدی بو تازه نسگل
اول شاه کم سپاهین، زوّاری بر هم اولدی
.
.
نسگل لرون فداسی ای شاه بی مددکار
اولمادی گر چه بو ایل، کرب و بلایه زوّار
سالّیق خیاله قبرون، اوللوق سنه عزادار
بو ایلده بو مصیبت غم اوسته بیر غم اولدی
.
.
هانسی غمینله مولا بیلمم گَلَک فغانه
یوخدور دیلیمده یارا ،جمله چکیم بیانه
کیمدیر دوزه سنین تک ،بو درد بیکرانه
کیم سن کیمی بلاکش، ای فخری عالم اولدی
.
.
وئردیله عون و جعفر، اوُل چولده تشنه لب جان
اولدی علی اکبر راه خداده قربان
ائتدیله شیر خواره طفلون ، نشان پیکان
ظلم اوسته ظلم تازه، مولا دوباره اولدی
.
.
لیلانی ایتدی مجنون اول اکبرین فراقی
صبر و قرارین آلدی ، وصلینین اشتیاقی
ئولدوردیلر ستمله ، گورمه دی طوی اوتاقی
گوردی بو حالی لیلا دردیله همدم اولدی
.
.
قالماز اورکده طاقت، چون ذکر اولاندا اسمون
قالدی قوری یئر اوسته، اوچ گون یارالی جسمون
آت چاپدی نعشون اوسته،مولا او چولده خصمون
اول چولده ایستی قوملار، زخمیوه مرهم اولدی
.
.
فریاد اولا او وقتن ای سرور مدینه
قتلگهی گزیردی ،نازلی قیزین سکینه
تاپدی یارالی نعشون ، اول ماه بی قرینه
ووردی ز بسکه باشه ، احوالی بر هم اولدی
.
.
چکدی نه درد و غملر، کرب و بلاده زینب
تاب ایتدی هر بلایه، راه وفاده زینب
گوردی سر حسینی ، نوک جداده ، زینب
غمد ن آغاردی زلفی، رعنا قدی خم اولدی
.
.
#یاران_گلین_فغانه_ماه_محرم_اولدی
#ترکی
.
✍️ #زبدةالاشعار ✍️
.
🆔: @nohe_torki
نظر دهید