ای عشق مناسینده ویرن جان آتام اوغلی #عباسیه_بوذری_تبریزی

حضرت ابوالفضل العباس علیه السلام
.
.
حاج محمد بوذری تبریزی
.
.
ای عشق مناسینده ویرن جان آتام اوغلی
گلدیم یارالی جانیوه قربان آتام اوغلی
.
.
بو باشدی عمودیله سنیب دورموری قانی
بو قان آپاروبدور سنی ای حیدر ثانی
اولدوردوله تا سن کیمی بیر شیر ژیانی
قارداشیوه ده ال تاپار عدوان آتام اوغلی
.
.
سو مشکیوی قارداش کیم ایدوبدور بیله پاره
بو قاندی باشوندان آخوری بیله عذاره
بوجسمیدی شام اهلی ویروب بیر بیله یاره
گل پیکرون ایلیبدیله شان شان آتام اوغلی
.
.
یاده کسیلینمیش قولی سالدیقجا یانار دل
بیلموب بو الین حرمتینی فرقۀ باطل
صد حیف اولا رحم ایتمدی بو اللره قاتل
قطع ایلدی اول نا کس دوران آتام اوغلی
.
.
باخمادی عدو قابل حرمتدی بو اللر
دین پیکرینه بیر ید قدرتدی بو اللر
محشر گونی اسباب شفاعتدی بو اللر
زهرانین الینده اولی عنوان آتام اوغلی
.
.
بو چولده سوسوزلوق اودی چوخ سینه نی دلدی
از بس کی آغیر قیمته قارداش باشا گلدی
بیر مشک سویون قیمتی آیا ایکی الدی
اوستونده ده باش ایستوری دونان آتام اوغلی
.
.
آی ارخام ایلیم عترتیمین یاوری قارداش
دورقویما کمک سیز من بی لشکری قارداش
وئردین سویا ال ویرماغا بو اللری قارداش
کیم سن تک ایدیب ترک سرو جان آتام اوغلی
.
.
بو شعری یازان (بوذری) دور خادم دربار
غم باده سینه مستیدی چون خامه شرربار
یازموبدی تخلص گوزل اشعارینه ناچار
اظهار ایلدی ( #عدلی ) نالان آتام اوغلی
.
.
#عباسیه #بوذری_تبریزی
#عباسیه_شهادت
#ای_عشق_مناسینده_ویرن_جان_آتام_اوغلی
#ترکی
#زبدةالاشعار