ای علت ایجاد دو عالم همی خلقت #پیامبراسلام_عدلی_تبریزی

در نعت حضرت رسول اکرم ص
.
#زبدةالاشعار
.
: @nohe_torki
.
حاج اصغر فرشچی ( عدلی تبریزی)
.
ای علت ایجاد دو عالم همی خلقت
سنلن بوجهان و اوجهان تاپدی بدایت
.
نورون اولالی بیت خداده متجّلی
ترک ایتدی بوعالم لری هرپستی و ظلمت
.
اولموشدی قیزی دفن ایله ماق زنده فضیلت
ویردون اولارا عشق و وفاداری و قیمت
.
زنده ایلدون فکربشر ایرمی اوچ ایلده
ویردون نه گوزل امّت اسلامه شراف
.
وحی اولموشودی آیه به آیه سنه قرآن
قرآنی تمام ایلموسن خلقه تلاوت
.
اول مکتب عرفانیده شاگرد الفبا
استادو ادیباندی هامی بحرصداقت
.
شاگرد دبستانون اولوب حیدرکرار
احسن بیله مکتب بیله شاگرد وکتابت
.
سن علمه مدینه او علومه علی بیر باب
اول پایۀ علمه هامی اقشار قالی حیرت
.
بیرپرده فقط مانع اولوب دورشب معراج
اونلاسن آرامن نه دیوم راز نبوت
.
سن بنده گیلیقدا ایله دون معبودی راضی
عمرون باشاباش ایتدون عبادت هم اطاعت
.
بس شأنیوه بو فاطمه تک بیرقیزون اولدی
اونلا ایلیوب خلقه خدا لطف وکرامت
.
ای خالق عالی و علی احمد و محمود
(عدلی) گوره تا بیرده بقعی ایله عنایت
.
.
#پیامبراسلام_عدلی_تبریزی
#پیامبراسلام_مدح
#ای_علت_ایجاد_دو_عالم_همی_خلقت
#فارسی
.
#زبدةالاشعار
.
: @nohe_torki