زبدةالاشعار

ای علی اوغلی حسینون تشنه سرداری اباالفضل #عباسیه_حسین_ساکت

مدح حضرت ابوالفضل العباس (ع)
مردلر مردی اباالفضل …
.
✍️زبدةالاشعار✍️
.
🆔: @nohe_torki
.
#سبک
.
#حسین_ساکت خسروشاهی
.
ای علی اوغلی حسینون تشنه سرداری اباالفضل
مردلر مردی امامت باغنین باری اباالفضل
.
دین هواداری اباالفضل
عشق معیاری اباالفضل
شیعه نین یاری اباالفضل
عباس عباس عباس
.
.
.
ای قلم قوللاری دین اوسته او رفتاریوه قربان
هامی ایثار ائلین لر ائله ایثاریوه قربان
.
عشق سرشاریوه قربان
تن تب داریوه قربان
اوجا قوللاریوه قربان
عباس عباس عباس
.
.
.
سن اوسان دین خدایه بیوک امداد ائلیوبسن
ائوین آباد اولا حقین ائوین آباد ائلیوبسن
.
حقی فریاد ائلیوبسن
خلقی ارشاد ائلیوبسن
محشر ایجاد ائلیوبسن
عباس عباس عباس
.
.
.
نجه تعریف ایدوم ای مه سنی که رشک قمرسن
حسرت سرو و صنوبر صف عشاقده سرسن
.
آیت صبر و ظفرسن
غایت عشق و هنرسن
عزت سلک بشرسن
عباس عباس عباس
.
.
.
نه بشر که هامی عارف لره منظور نظرسن
قوی دیوم هر نولور اولسون اسدالله دگرسن
.
عالمه نور بصرسن
حیدره جان و جگرسن
هامی دنیایه دیرسن
.
.
.
سن اوگون که علمونله یخلوب قانیوه باتدون
اولدون اسلامه فدا دلده کی مقصودیوه چاتدون
.
آناوی گرچه قوجاتدون
آتاوین باشین اوجاتدون
یاتان افکاری اویاتدون
.
.
.
سنه بیرعده همه حالده ماتم دوتار آغلار
اوزونون هرغمی اولسا اونی دلدن آتار آغلار
.
دورار آغلار یاتار آغلار
آی چیخارگون باتار آغلار
صبحی شامه قاتار آغلار
.
.
.
سنه کیم دل وئره-ای یارگوزی اغیارده اولماز
هامی گوللر سولان اولسا سنه عاشق اولا سولماز
.
منت خلقده قالماز
باشینی ذلته سالماز
اوزگه دن حاجتین آلماز
.
.
.
سن اوسردار قوی پنجه سن ای حیدر ثانی
سنه سلطان جهان وئردی برازنده نشانی
.
سنه تاپشوردی لوانی
سنه قربان دیدی جانی
او بوتون حقده فانی
.
.
.
او چراغ ابدیت که دوتوب نوری جهانی
دولدوروب عالمی آوازه سی حیثیتی، شانی
.
اودی نهضت لره بانی
اللاهین قانیدی قانی
محو اونون نقشینه مانی
.
.
.
گرمین عالم اولامین لرجه علی خلق ایده خالق
اونا تای بیر اوغول اولماز اوناتای بنده صادق
.
اودی هر عزته لایق
سابقین دن اودی سابق
اونا الله اوزی عاشق
.
.
.
سنی میدانه یولا سالدی دالونجا گوزی قالدی
روحون اَلدن وئرن انسان کیمی آلامی چوخالدی
.
نه بولوم یاده نه سالدی
ناله سی عرشه اوجالدی
گل کیمی رنگی سارالدی
.
.
.
او طرفدن اوجالوب قیحا که سقّاسویی آلدی
تشنه لب لر سئونرکن هله لیک محنت آزالدی
.
یارا دللره ساهالدی
غصه لر جامی بوشالدی
قره غم بختی قارالدی
.
.
.
سوسنه عرضه اوزون ایلدی افسونلی چاغندا
تشنه سن ایچ دیدی مندن سارالان گُل سیاغندا
.
قورین غنچه باغندا
یاییلان اود یاناغندا
عشقوین داغ ایاقندا
.
.
.
دولدوروب مشکوی سرعتله فراتین بولاغندا
وئرمادین لب سویاسو حسرتی قالدی داماغندا
.
یاندی آخدوقجا داغوندا
ایندیده وار سُراغوندا
گوزی قالمش دوداغندا
.
.
.
.
#عباسیه_مدح
#ای_علی_اوغلی_حسینون_تشنه_سرداری_اباالفضل
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  خداوند آستانیندن عنایتدن ندا گلدی #مناجات_عدلی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی