نه بیقراریدی قلبیم قراره آزقالیری #مهدیه_محمد_هوشمند

وعده دیدار
.
✍️ #زبدةالاشعار ✍️
.
🆔: @nohe_torki
.
#محمد_هوشمند
.
نه بیقراریدی قلبیم قراره آزقالیری
گئچیب دی لیله ظلمت نهاره آز قالیری
.
دوتوب دوگونمه اورک قوش کیمین چالیر ال ایاق
بو درد هجره تاپام راه چاره آزقالیری
.
نقدری قلبیمه قان دولسادا غمیم یوخدی
قیش ایستیری چیخا فصل بهاره آز قالیری
.
نقدری خار مغیلان منی مذمت ائده
اینانمیشام یولو کوی نگاره آز قالیری
.
ایاقلار آلتدا قیزیل گول کیمی ازیلسم ده
فلک منی یئتیره اعتباره آزقالیری
.
بیر عمر حسرتیله سایمیشام گئجه گونوزی
صبا خبر گتیریر وصل یاره آزقالیری
.
گلن گونون یازاجاق تقویمه ولا اهلی
هر ایل اونا قورولا یادواره آزقالیری
.
دئیون اذان اویانا بلکه بو یاتان بختیم
چیخین قباقه که وقت و قراره آزقالیری
.
اسور نسیم محبت اورک اولور مدهوش
جمال یاره ائده م بیر نظاره آزقالیری
.
.
#مهدیه
#نه_بیقراریدی_قلبیم_قراره_آز_قالیری
#مدهوش
#ترکی
.
.
✍️ #زبدةالاشعار ✍️
.
🆔: @nohe_torki