ای غملره مأنوس اولان لایلای رقیه #حضرت_رقیه_بیدقداری

زبانحال حضرت زینب (س) در غم حضرت رقیه (س)
.
#سبک_ای_درد_بی_درمانلارا ( 10 سبک با واگیر و بدون واگیر ) … #سبک_یا_فاطمه_من_عقده_دل_وا_نکردم … و …
.
.
مرحوم حاج داود بیدق داری
.
.
ای غملره مأنوس اولان لایلای رقیّه
اکبر فراقینده سولان لایلای رقیّه
آرام جانیم روح روانیم
زهرایه بنزر شیرین زبانیم
.
.
باش اولدی بو نسگیل منه هر نسگیلوندن
پاک ائتمدیم غملر توزون قاره تئلوندن
الله بیلور من دویمادیم شیرین دیلوندن
ای عمّه سین درده سالان لایلای رقیّه
.
.
گُللر مثالی شامیده سولدون سارالدون
آهو سیاقینده دوشوب چوللرده قالدون
سرنیزده قارداشیمین آرامین آلدون
ای تک دوشوب یولدا قالان لایلای رقیّه
.
.
بیرشمع تک یاندون قیزیم ویرانسراده
جسمون گلوب روحون قالوب کرب و بلاده
بیر گون سنه بیر ایل گئچوب شام بلاده
یوردی سنی دور زمان لایلای رقیّه
.
.
آچ گوزلرون ای گوزلری زهرایه بنزر
هی سویلدون گلمور ندن دیداره اکبر
اولدی سنه آخر کفن بیر قاره معجر
شهلا گوزی یولدا قالان لایلای رقیّه
.
.
افلاکِ ایمانه ایشیق سالدون اَوَلده
آفاقی حیران ایلدون عشق وعملده
قالدی ولی آخر سنون گوشوارون اَلده
آرامیمی اَلدن آلان لایلای رقیّه
.
.
سن بیر گولیدون آشنا بُلبل لریلَن
مأنوسیدون بو کارواندا اکبریلن
بیرآیری اُلفت باغلادون سن اصغریلن
ای اصغره لایلای چالان لایلای رقیّه
.
.
سن تک بیر عاشق گورمیوبدور چشم دوران
اللر دعاده صبح و شب قلبی پریشان
ائتسون دعا تا که گَله دیداره جانان
جان اوسته مقصوده چاتان لایلای رقیّه
.
.
ای قلبیمین آرامی ای گُل مثلی گویچک
خیردا چاغیندا آدلانان زهرای کوچک
شمع حرمخانه اؤزی پروانه مسلک
نارِ مصیبتده یانان لایلای رقیّه
.
.
.
.
.
.
#حضرت_رقیه_شهادت
#ای_غملره_مأنوس_اولان_لایلای_رقیه
#بیدقداری
#ترکی
#زبدةالاشعار