زبدةالاشعار

چون اذن جهاد آلدی شهزاده علی اکبر #اکبریه_کاتب_اردبیلی

عزم جهاد حضرت علی اکبر (ع)
.
✍️ #زبدةالاشعار ✍️
.
🆔: @nohe_torki
.
مرحوم کاتب اردبیلی
.
چون اذن جهاد آلدی شهزاده علی اکبر
شوقیله اولوب رزمه آماده علی اکبر
.
.
گلدی او وفاپرور تا محضر لیلایه
اوّل آناسین گورسون گئتسون صورا دعوایه
لیلا نظری دوشجک اول قامت رعنایه
سنسن دئدی امّیدیم دنیاده علی اکبر
.
.
عرض ائتدی آنا لیلا من عازم میدانم
الان سنه بیر لحظه من خیمه ده مهمانم
قرباندی بابام حقه منده اونا قربانم
لازمدی فدا اولسون میناده علی اکبر
.
.
لیلا دئدی گل اگلش ای اکبر مهرخسار
بیر نچه سؤزوم واردور ایلوم سنه من اظهار
قلبیمده آنان ئولسون بیر عمده اولان غم وار
نسگلدی او غم چوخ من ناشاده علی اکبر
.
.
عیدیدی علی بیر گون یثربده بابان حیدر
گوردوم منه عیدانه لطف ایلدی بیر معجر
اول معجری سالمازدیم باشیمه من مضطر
تا حال اونی حفظ ائتدوم دنیاده علی اکبر
.
.
فکریم بوئیدی دائم قیلّام سنی من داماد
نه چاره قیلوم حالا اولدی ائویمیز برباد
سالّام ایاقون آلتدا بو معجری من ناشاد
بحر غمه غرقوک بیز مأواده علی اکبر
.
.
بو سؤزلرى ذکر ائتدی لیلای جگرخسته
دوردی یره فرش ائتدی اول معجری آهسته
سویلوبدور اوغول دور گز بو معجریمون اوسته
تا بیر باخوم اول قدّ شمشاده علی اکبر
.
.
القصه وداع ائتدی لیلانی او مه طلعت
میدانه روان اولدی حیدر کیمی با سطوت
صولتله أو نام آور سالدى قوشونا وحشت
قویمادی قالا طاقت اعداده علی اکبر
.
.
اول قوم منافقدن توکدی نچه سین خاکه
تا الحذرِ اعدا اوج ایلدی افلاکه
تیغیله شرر سالدی اول فرقه ی ناپاکه
برپا ائدوب حشری اول صحراده علی اکبر
.
.
از بسکه ائدوب دعوا آخرده اولوب خسته
ائتدی قوشون هر یاندان حمله او جوان اوسته
اللرده یالین خنجر یوز قویدی نچه دسته
توش اولدی دمِ تیغِ فولاده علی اکبر
.
.
بیر رحم ائدن اولمادی شیعه او وفاداره
گل جسمینه دشمنلر ویردی او قدر یاره
زخم دم خنجردن قان آخدی چو فوّاره
گورموبدی سلامت یر اعضاده علی اکبر
.
.
ناگه اونا توش اولدی بیر شوم ستم پرور
شرم ایلمیوب حقدن ویردی باشینا خنجر
خنجر یاراسی قیلدی شقّ القمری اظهر
آفاقی ملول ائتدی معناده علی اکبر
.
.
بیر سمته گذار ائتدی با حالت پر محنت
گویا واریمیش اوردا بیر نچّه نفر عورت
شهزاده نون اول حالی وئردی اولارا رقّت
سویلوبلر آنان قالدى غوغاده علی اکبر
.
.
شهزاده بئله بیلدی اخیامه یتوب گویا
سسلندی بی بی زینب دئ گلسون آنام لیلا
باشیمه دگوب یاره خشکه ائلسون حالا
آغشته اولوب قانه دعواده علی اکبر
.
.
بسدور بو قدر یازما کاتب بو مصیبتدن
اشکی شه مظلومون قان اولدی بو محنتدن
اکبر ئولومی سالدی اول سروری طاقتدن
قویموبدی توان قالسون لیلاده علی اکبر
.
.
.
.
#اکبریه_کاتب_اردبیلی
#اکبریه_شهادت
#چون_اذن_جهاد_آلدی_شهزاده_علی_اکبر
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  یاغوبدور ابر رحمتدن یره باران اروجلوقدا #حسنیه_رمضانی_ذوالفنون

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی